على جسر بغداد جاه الطّبيب و عاينه و الدّمع منّه سال= يقول يَبن سويد هالمسموم ماله رجال مرمي بجسر بغداد=يا كعبة الوفّاد انجان يَبْن سويد إله عزوه و عشيره و قوم=يتناهضون الطلب ثاراته ترى مسموم مرمي بجسر بغداد=يا كعبة الوفّاد يَولاد عدنان و مضر قلّت حميّتكم=ما تنهضون بْعَجل و تشيلون ميّتكم مرمي بجسر بغداد=يا كعبة الوفّاد عنّوا الصّواهل وانهضوا موسى بن جعفر مات=فوق الجسر مطروح ثوروا ياهل الشّيمات مرمي بجسر بغداد=يا كعبة الوفّاد فرسان هاشم وين عنّك ما يحضرونك=منهو حضر يمّك و منهو غمّض اعيونك مرمي بجسر بغداد=يا كعبة الوفّاد يا مهجة الزّهرا و يا بحر العلم و الجود=ما جنّك ابن المصطفى فوق الجسر ممدود مرمي بجسر بغداد=يا كعبة الوفّاد بْحَبسك يَبن شاهك هلال الدّين ضمّيته=و لا راقبت جدّه و تالي الامر سمّيته مرمي بجسر بغداد=يا كعبة الوفّاد ميّت و لا شالوا يويلي عنّه قيوده=حتّى العدو الشّامت دموعه تسيل بخدوده مرمي بجسر بغداد=يا كعبة الوفّاد