رض الجسد الشريف زينب وقفت اتنخّي=الدفن حسين عدوانه تحشّم و الدّمع جاري=تقلهم صفوة الباري طريح بهالشّمس عاري ولَن التّلبيه بالخيل=تسحق فوق جثمانه حالاً صوّتت يا خيل=يا ليتج تعقّرتي يَبنت الاعوجيه اشْلون=باولاد الزّنى غرتي يَقَشره ضلوع من تدرين=فوق التّرب كسّرتي صدر المصطفى دستيه=إلج ميدان خلّيتيه و قلب الطّهر ذوّبتيه و المثلّث بلب حشاه=مَتشوفين نيشانه و غارن عشره من الخيل=باولاد الزّنى العشره و كلها منعّله و سحقت=فرد مرّه على صدره و عزيزة فاطمه تشوفه=و تحن وتجذب الحسره ومن الحسرات واللوعه=تدير العين مفجوعه وتشوف تْكسِّر ضلوعه وغدت تهتف باسم جدها=و قلبها اسعرت نيرانه تقلّه يا رسول الله=حبيبك بالعرا مطروح يَجَدّي وعْلَى صدره الخيل=بالرّمضا تجي و تروح و آنا بقيت مدهوشه=بْيتام او حريم اتنوح هاي الخيَم منهوبه=و هاي النّار مشبوبه و انا بهالحال مكروبه و علينا ضاقت الدّنيا=يَجَدّي و لحّد ويانا يَجَدّي الخيل طلقوها=و جثْة حسين رضّوها يَجَدّي بالخيم ننعى=و علينا النّار شبّوها و اللي من الخيم فرّت=بليّا خمار خلّوها أشيل اللي وطَتها الخيل=لو ذيج التصيح الويل لو هاللي يلوج عليل كلّفني يَجَدّي حسين=بايتامه و نسوانه عليّه يا رَسول الله=زمان الشّوم ما قصّر محتاره و اشوف حسين=جسمه بهالفلا مطشّر و بَناتَك يا رسول الله=حيَارى هايمه بالبَر يَجَدّي اشْلون هالليله=و حملي وقع شيشيله صفيت مكلّفه بْعيله أصبَحْت أخوتي حولي=يجدّي و هذا ممسانا و صدّر بن سعد أمره=و قال الرّوس جمعوها وعلى جسوم اخوتي داروا=بليّا روس خلّوها و شالوها بروس ارماح=و الاجساد داسوها يجدّي اشْيحتمل قلبي=عساني ما شفت دربي إلَك شكواي يا ربّي وصارت عقب قطع الرّ=وس ما تنعرف وليانا أمّ الولد لو فرّت=لبِنها المعركه تشوفه تشوف اجساد مخضوبه=بْدماها موش معروفه جان ابن الحسن جسّام=حيث مخضّبه جفوفه وامّا بو الفضل وحسين=بين الجثث معروفين هذا مقطّع الجفّين و ذاك مكسّره ضلوعه=يجدّي و هذا عنوانه يجدّي هالهضم و السّوط=بمتون الحريم يلوح و من وكز الرّمح ويلاه=بظهور اليتامى جروح و عن ولية عدونا وين=يا خير البريّه نروح ياهي اللي ابتلت بلواي=ألوذ امن العدا بعداي أعاين لا حسين وْياي و لا جاسم و لا الاكبر=و لا العبّاس و اخوانه