وحدة الحسين وَسْفَه حسين ظل وحيد=حاير بين عدوانه ما بين الكفر محتار=ينظر بالعرا الانصار قلهم يا حماة الجار بين القوم عفتوني=ودمع دم هلّت اجفانه صد صوب الشّريعه وصاح=ياليث الحرب يا حيد نايم عالنّهر عبّاس=ما تدري بقيت وحيد بعد ساعه و اظل مرمي=و حرمنا تنسبي ليزيد أنا بالجتل ما بالي=و لا فقدان أبطالي لكن صاير ابّالي الحرم تبقى بلا والي=و زينب تظل حيرانه يالاكبر يا ضيَا عيني=شلون عْلَى التّرب نايم و انا بين العدا مفرود=ثُور و حشّم الجاسم على خيامي ترى يَبْني=سحاب الجيش متراكم ولا ظلّت يَبَعد الرّوح=بس نسوه و بنات تنوح حتّى ابني الطّفل مذبوح ما ظل بس عليل يلوج =حوله اطفال عطشانه رد يحشّم انصاره=يقلهم يالاحباب شلون فرد مرّه تعوفوني=و على حر الثّرى تنامون هذا مقطّعه اوصاله=و ذاك بْمُهجته مطعون رجع بدموع همّاله=يريد يودّع عياله و زينب عاينت حاله تلقّته بْصبر حيدر=و مُهره لزمت عنانه صاح وداعة الباري=و زينب بقت مرتاعه و عليه التمّت العيله=اشْعظمها عليه من ساعه و غدت سكنه العزيزه تل=وج يمّه بْسَاعة وداعه وصاحت آه يبويه حسين=بعدك ملتجانا وين خبّرني يَنور العين جان وْقَعت بالميدان=يا هو اليظل ويّانا رد الخيمة السجّاد=قصده يودّعه و يروح و زينب جالسه بْكُتره=وعَلَى فراش المرض مطروح فتَح عينه و شاف الدّم=على صدر الشّهيد يلوح يقلّه الحرب طبّيته=و عمّي وين خلّيته أبد ما تقبل مروته يقلّه عْلَى النّهر مطرو=ح و تقطّعت ذرعانه يَبويه بلّغ الشّيعه=كلامي و سلّم عليها تذكر ذبحتي ظامي=وجبدي العطَش مض بيها و انا للمعركه ماشي=و حياتي هاي تاليها تذكر طفلي الظّامي=و خيل الرضّت عظامي و سبي النّسوان وايتامي كلها بْحبل تتوقّف=بديوان ابن مرجانه طلع و المعركه قصده=و زينب قايده مهره و بيده مسح قلب اخته=و حبّته بْوسط نحره و تصيح اوصيّتِج ليّه=تأدّت يَمّي الزّهرا هذا حسين للميدان=ماشي وخلصت الشبّان و انصاره على التّربان و انا بهاليتامى بقيت=بين القوم دوهانه مشى للمعركه و قلها=بجميل الصّبر سرّيني و من خلفه الرّباب تصي=ح ويّا من تخلّيني غريبه و للأهل مَتْقول=ياهو اللي يودّيني حن و تحنّت ضلوعه=و جبر انهلّت ادموعه و رَدها و بقَت مفجوعه وسلّم للقضا و للكون=راح بصهوة حصانه صرخ بيها و هو موتور=ينظر عزوته و قومه و اولاده و بني عمّه=عَلَى حر التّرب نومه و إله عند النّهر نظره=و إله صوب الخيم حومه ويقلهم ياحزب سفيان=أنا وحدي ولا لي اعوان شربة ماي انا لهفان و هذا الماي مَهْر امّي=وعزوتي تموت عطشانه دعاها عْلَى الوطيّه فراش=حيهم ما يشيل الميت و عزرائيل ظل يصرخ=يَضنوة حيدر اشْسوّيت سيفك ما يكل و انا=بقبض ارواحها كلّيت ترى من عصبة الشّيطان=صارت فايضه النّيران ما ظل بالجحيم امكان من سيفك يَبو السجّاد=بيهم غدت مليانه