مصرع القاسم ابْسيفه ابن السّبط صوّل=على العدوان و لسانه غاره عْلَى العدا شنها=و حل بيها و دوهنها وخطب بيها وخطف منها=الزّلم و اعتمر ميدانه عمره اثلتطعش ما زاد=عنّه يروغ ابن خمسين يشبه عمّه الطيّار=ما يعاين شمال يمين يقصد ضيغم المشهور=بس ضربه و يصير اثنين ظامي ولا حصل شربه=تلظّى من العطش قلبه و روحه باعها و ربّه=شراها بحكم قرآنه تباهى بحومة الميدان=باسم الهادي المختار و صاح ابن الحسن آنا=وجدّي حيدر الكرّار شع بيمينه الصّارم=و خلّى الكون شعلة نار شد مغضب وظل يحوم=بيها و طشر الصّمصوم و بقلب العدو معلوم=ثابت صار وجدانه صال و صدم قلب الجيش=قوّه بهمّته و شاله الجناح عْلَى القلب ذبّه=و لف يمناه بشماله دمرها ابن الحسن جسّام=لو ما قطعت نعاله وقف ما بين هالآلاف=واحنى ولااختشى ولاخاف شد نعله و لا ينشاف=حافي بين عدوانه حشو هَبْهَب عدو الله=الازدي انحدر و تْعنّاه شافه مشتغل بشراك=نعله و حالاً تقفّاه الرّجس لو هو من الشّجع=ان جان بوجهه تلقّاه ألف وَسْفَه وألف ياحيف=شبل الحسن مأوى الضّيف طر الهامته بالسّيف=و تعفّر بتربانه تعفّر بالتّرب مشقوق=راسه مخضّب بدمّه و شبح عينه للمخيّم=بحسره و انتخى بعمّه و عمّه اعتنى الجتّاله=و شطر راسه و وصل يمّه لقاه بدمّه محنّى=و بيض و سمر زفنّه مسح فيض الدّما عنّه=ولن الرّوح خلصانه قعد يم ابن خيّه وشال=عن حر الترب خدّه و دار إيده على طوقه=بلوعه و وسّده زنده و شال جنازته وحده=يَوَسْفَه اعوان ما عنده و جابه بخيمة الموتى=و الزندين تابوته شاله ابجبد مفتوته=وصفّه بجانب اخوانه جذب ونّه و سمعنّه=الحريم الجان زفنّه طبق فرّن و شافنّه=مسجّى و قاطع الونّه و تهاون و ايّسن منّه=و رمله تصيح اجعدنّه و تكّن له يَعَماته=نريد نشوف طبراته مذوبل ورد وجناته=الشعل بالقلب نيرانه اندهشت نوبٍ تحبّه=و توعّيه و تتجّي له و نوب تمدّده و تنسل=زلوفه و نوبٍ تشيله و هاجن بالنّحب سكنه=و زينب عمّته و ليلى دارن بالولد صوبين=روّنه بدموع العين ضجّن والشّهيد حسين=ما تتصوّر احزانه { الناظم } يَبن المصطفى ناخيك=و اسمع طلبتي و نخواي منكم طالب التّأييد=و التّوفيق دوم وياي و انت موزّم و ملزوم=يا فرع الامامه بهاي آنا الباب المواهب جيت=يَبن الزّاكيه و نخّيت و احنا غير هذا البيت=ما نوقف ابّيبانه