زينب وابن الحنفية محمَّد ينادي يَزينب و القلب بالحزن ذاب=خبّريني يا زجيّه اشْحَل عليكم من مصاب نادته و القلب ذايب و الدّمع منها يسيل=شوف خويه الرّاس شايب و الجسد منّي نحيل شاب راسي يوم شفت حسين من دمّه غسيل=و انتَ يَمْحمّد امجرّب لوعة افراق لَحباب قال يختي هالمصاب الصابكم كلّه فظيع=لكن اسمعنا يزينب عنكم ابعلمٍ شنيع فوق صدر حسين يَعزيزه صدق ذبحوا الرّضيع=قالت اتخضّب ابدمّه و شقّت الجيب الرّباب قال يختي الخبَر جانا ابْفعل شيّال اللوا=ملك صدر المشرعه و بالعطش رد و ما ارتوى و سمعنا يقولون بالأجساد ضيّق نينوى=قالت اسكت لا تسايل و استمع رد الجواب انجان تسألني عن عضيدك أبو فرجه اشْفَعل=فيّض الوديان من دمّ العدا يوم الحمل و الله نسّاها حرب صفّين و اهوال الجمل=لكن انقطعت اجفوفه و انجدل فوق التراب قال يختي صدق جاسم عرّس بطف كربلا=و ساعة ازفافه عْمامه اعلى الوطيّه امجدّله جان زفّيتوا ولدنا قبل ما تذبح هَلَه=و جان طرّشتوا يَزينب نحضر زفاف الشّباب قالت محمَّد يخويه ليت حاضرنا و تشوف=زفّه حسين ابحَريمه و العدا تزحف اصفوف وعقب ساعه صار من دم نحره اخضاب الجفوف=شاب مَتْهَنّى و تفصيل الجفن لابس ثياب قال صدق حسين اخيّي مات محّد وسّده=و عقب ذبحه فوق صدره جالت اخيول العدا قالت اوصاله شفتها اقبال عيني امبدّده=و شفت راسه يا محمّد شايلينه عْلَى لحراب و المصيبه اللي عمتني مشيتي ويّا الغرب=قلت خلّوني و لَنْ متني تورّم بالضّرب و طوّح الحادي ومشوا بينا عن ابن امّي غصب=لو شفتنا اشْكثر قاسينا بعدهم من عذاب قال شايع خبر يا زينب و اظن هذا بعيد=قالت اخبرني الدّهر بَلْكَت يسوّيها و يزيد قال دشّيتي صدق حسره على الفاجر يزيد=قالت إي والله دخَلنا و مجلسه مملي أجناب