وصول خبرالحسين للمدينة هاي يا عمّي المدينه تموج من كثر العويل=و اظنْها مصيبه دهتنا ما يصير الها مثيل قام مدهوش و تحدّر دمع عينه بْوَجْنته=و لنّ لمنادي على باب الشّهيد ابْنَاقته ايصيح بالطّف انذبح شيخ العشيره و عزوته=ظل ثلثتيّام عاري جسمه ابْدمّه غسيل صاح ياللي زلزلِت بالصّيحه أركان البلَد=أرد أنشدك عن أهل هالبيت ظل منهم أحد قال راحوا ما بقى منهم رضيع و لا ولد=غير واحد شفته وْيَا الحرم لكنّه عليل روسهم للشّام راحت و لَجساد ابْكربلا=عاريه ابْذيج الفيافي بالدموم امغسّله قال انشدك ظعنهم ياهو بقى يتكفّله=ياهو الذيج الحرم من عقب ابو فاضل كفيل قال راحوا الشّام و النّسوه يباريها زجر=و اليتامى عْلَى الهوازل عاريه بليّا ستر صاح يا فجعة اقليبي ريت واراني القبر=و رجع يلطم هامته و الدّمع بخدوده يسيل طلعن و شافن احواله بنت اخوه و امّ البنين=نوب يمشي و نوب يتعفّر على حر الجبين ايصيح هالدّار اغلقوها بعد ما يرجع حسين=ما بقى يم البنين امْن العشيره بس عليل صاحت اسم الله على الشّبّان من نوم القبور=يرجعون النا ابْسَلامه انشا الله و تزهر الدّور لا تفاول يا عزيزي عْلى اخوتك ذيج البدور=بالسّلامه يردهم الله و الدّهر يرجع جميل صاح جان انتي ابْرَجوى حسين و الدّوله تعود=ايّسي هيهات مَيعودون سكّان اللحود راحوا و ذيج اليتامى ربّقوها بالقيود=واظن زينب جسمها مْن الضّرب والمسرى نحيل و الذي نحّل اعظامي و دمع عيني نشّفه=و نكّست راسي غصب و القلب زاد اتْلهّفه اوقوف زينب وسط مجلس باليتامى امجتّفه=تكسر الخاطر يتامى حسين من كثر العويل خبر شايع راس اخونا كسّر اضراسه العنيد=و الحراير بالمسام اموقّفه مثل العبيد أشق جيبي جان زينب دشّت ابمَجلس يزيد=آه يَزينب يالوديعه شلون صرتي ابلا كفيل