دخول العلويّات الكوفة ماجت الكوفه بَهَلْها و طلعت ابْضَرب الدفوف=و الودايع حايره و السّتر راحات الجفوف ابْحَالة القشره يتامى حسين دخلوها تنوح=و الحراير ما بقى الها امْن الضّرب و السّير روح و الزّلم بالسّكك تهرع و النّسا فوق السّطوح=وين ابو فرجه الشّفيّه ليت يحضرها و يشوف و غدت كوفيّه شجيّه تصيح هاللي عْلَى الجمل=من تنعّي ذاب قلبي و من تحن دمعي انهمل صوتها يصدّع و يشبه صوت ابو حسين الفحَل=ضايعه و نسوه وراها امركّبات اعلى لعجوف ظنّتي هاللي تحن قدّام هاي امّ المصاب=و اظن المذبوح اخو لْها لو ولد بعده شباب ردّي اجوابي يَمَسبيّه تراهو القلب ذاب=و اخبروني انتو امنين وصاحت ابْدَمع ذروف لا تنشديني ترى رسم الصّبر منّي عفى=ضايعه بْليّا ولي و ابهاليتامى امكلّفه ما دريتي احنا يَكوفيّه سبايا المصطفى=امسلّبات و هلأعادي كلها تتفرّج اعكوف صاحت اشلون النبي المختار تسبى نسوته=و هاللي تتفرّج عليكم كلها تتبع ملّته قالت امْن الدّهر هذا و من يزيد و فعلته=انذبحت اخواني وظلّوا عْلَى الثّرى بَرْض الطفوف و انا زينب و الذي من حولي أيتام اخوتي=و الذي فوق العوالي روس قومي و عزوتي شوفي أحوالي سليبه و زجر قايد ناقتي=و من يهل دمعي ضَرَبني عقب ابو فرجه العطوف جنت انا ابعز و جلاله و مثل خدري ما جرى=و تبهج الخاطر هَلِي بْذيج الوجوه المزهره مَحْلَى مَشْيَتهم سويّه و الشعور امنشّره=خلف ابوسكنه وتخط فوق الثّرى بنود السيوف واصبحت فرجه وطماشه عقب فرساني و هَلي=فوق ناقه امهزّله و كل ساع يصْغي محملي و لو بجيت الرّجس يضربني و لا ليّه ولي=اُو وين مَيْشوف الخلق متجمّعه بينا يطوف