في جور بني العبّاس ياللي تعدّد باختصار افعال اميّه=أذكر بني العبّاس واحكم بالقضيّه هذي بنو العبّاس جانوا مطمئنّين=كلهم يدٍ وحده وذراري الحسن وحسين وملكوا الامّه واصبحوا كلهم فراعين=وحطّوا النّبال عْلَى السّلاله الفاطميّه لو ردت تفهم وين باب الظّلم والجور=بس عقّب السفّاح و اتمايز المنصور شوف اشْعمل بال الحسن وشْ هدم من دور=و الما هدم من دورهم ظلّت خليّه جم طالبي لاقى المنيّه في قيوده=واللي هْدموا عليه السّجن وهوَ بسجوده و الهام ما هو مرتجي للبيت عوده=و يخاف ما ينتسب للزّهرا الزجيّه و اللي ابْفَخ اتعفّروا محّد دفنهم=اسأل يخبرك واضح التّاريخ عنهم خلّوا ملايكة السّما تبجي لَجلهم=ظلّوا ابْغَبرا و روس فوق السّمهريّه و جم شيّدوا بالعاصمه بغداد بنيان=بنيانها اتشيَّد على هامات و ابدان سادات كلها شيوخ وكهولٍ وشبّان=وشْجَم هجوم اعْلَى البيوت الفاطميّه باب الحوايج بالسّجن يسحب اقياده=و خوف المنايا و السّجن فرّت اولاده وبالسّم جَرَع مثل الأبو كاس الشّهاده=والسّيف والسّم يشتغل صبح ومسيّه وخلّوا الصّوايح والنّياحه ليل وانهار=وذيج المنازل بس حرم واطفال لزغار بالبرّ هاموا ما بقى بالدّار ديّار=ما جرت هذي بلَفعال الامويّه لكن سبي النسوة يسارى ابكل لَمصار=وذيج لَطفال الظّاميه لاجرى ولاصار و خيام ممليّه حرم تنضرم بالنّار=والاصل كلّه مْن الاسباب الاوليّه فعلة بني العبّاس ما اكثرها فجايع=أفنوا ذراري المصطفى والعدد ضايع وآل الطّليق افعالهم كلها شنايع=سبي النّسا و ذبح لَطفال ابلا جنيّه رض لَجساد عْلَى الثّرى وتكسير لَسنان=و وقفَة مصونات الرّساله بوسط ديوان ويزيد من سكر الخمر والنّصر نشوان=هذي ثمرها شجرة الخبث الرّديّه