في جور بني أمية شتقول يا صاحب الفكره والرّويه=فعلة بني العبّاس أعظم لو أميّه فعلة بني اميّه ابتداها يوم صفِّين=دارت رحاها وطحنَت اعيان المسلمين وطلعت خوارج دين واغتالت ابوحسين=وظل ابن ابوسفيان يلعب بالرّعيّه سب و شتم فوق المنابر صبَح سنّه=و كل الضّغاين و البلا اتولّدت منّه تغزي سمومه وللهضايم غدت رنّه=و ارماح ترفع روس تتودّى هديّه و راحوا عداوه يدفنون ارجال حيّين=و ذبحوا و سجنوا وين لمروّه نساوين واطفال ذبحوهم بلا مطلب ولا دين=باليمَن و النّسوه بنظرهم خارجيّه وباعوا النّساء المسلمات ابوسط لَسواق=يايوم كشف السّاق عند املاحظ السّاق عدّة مذابح قاست الشّيعه بلعراق=و زياد و ابن ارطاة ما بقّوا بقيّه وتالي على سم الحسن كلها اتّعازى=و آل الطّليق اتحزّبوا ساعة جهازه ومروان تدري بْجَم سهم صاب الجنازه=و قلبه ايتلظّى امْن لَضغان الداخليّه وكل الرّزايا و المصايب يوم لطفوف=جم أرمله ظلّت سترها راح لجفوف وكل حادث اليجري بْدهرنا ايصير موصوف=و لا ينوصف خطبٍ جرى بالغاضريّه هذا مصاب حسين لا تطلب تفاصيل=ما ينوصف حال الأسارى والمجاتيل لو ضجّة الأيتام لو نوح المداليل=و اجساد بالرّمضا و روس ابْسَمهريّه واسأل الكعبه و المدينه بالّذي جان=من حيّة الرّقطا اللعينه آل سفيان و عرّج على كهف المظالم آل مروان=تلقى مجازر كل صباح وكل مسيّه توصف اطفال الذبّحوها بغير سايه=تذكر حراير باليسر ركبت عرايا و السّوط لمتون الحرم مو للمطايا=وميدان مطروحه الجثث للأعوجيّه السجّاد جم قاسى ومن بعده سليله=و ابن الوزَغ يشفي بإهانتهم غليله و دس الهم اسمومه و قضوا بالسّم غيله=وزيد وشبل زيد اشعظمها من رزيّه هذي إشاره من فضايع آل سفيان=تلويح لقرود المنابر نسل مروان حط النّقاط عْلَى الحروف اتزيد تبيان=اتشوف المصايب جايّه من قبل اميّه