في تمني الظهور 2 يا حجّة الله غيبتك صارت بطيّه=عجّل علانا الجور يا شمس المضيّه يمتى على العالم يشع من غرّتك نور=بيه العدل تنشر وتطوي الظّلم والجور مْن السّامري والعجل من جزله المسعور=الصّخره الاساسيّه الدهت كل البريّه ياطالب الثّارات دنهض جم إلك ثار=من يوم حيدر والحبل والضّلع والنّار والضّربة اللّي عمّمت هامة الكرّار=ومن دم راسه اختضبت الشّيبه البهيّه ويلاه ياهضم الحسن ومصاب سمّه=بن هند غاله و فاتت الاعدا ابدمّه يَمْ قبر جدّه سْهامهم نشبت ابجسمه=امصيبه و يهوّنها مصاب الغاضريّه أعجز شعدّد من مصايب يوم لطفوف=جم طفل بيها وجم شباب انذبح ملهوف ياما انقطعت روس بيها وطارت اجفوف=و ياما اجسادٍ رضّضتها الاعوجيّه منعوا علىحسين الورد وانذبح عطشان=وظلّت الخيل اتجول فوق اعضاه ميدان والهضم يبن العسكري ضيعة النّسوان=و اطفالها الرضعت من اسهام المنيّه وجدّك علي السجّاد بعد اليسر والذّل=يقضي العمر ليله و نهاره دمعه ايهل مَيشوف غير ايتام تتضوّر و تعول=وينظر منازل كل هله منهم خليّه و يقضي ابسمّه و بعده الباقر تباريه=بالضّيم وانواع البلايا عيون اعاديه عرفت بنو مروان اصلها وجارت عْليه=وذاك السّرج سبّب له اسباب المنيّه