مخاطبة أم البنين بالله استعدي للبواجي يم لبنين=ردّوا يتامى وانذبح عبّاس وحسين يَم البنين اتذبّحوا كلهم على القاع=و حسين ظل امجرّد ومكسور لضلاع ومخدّرة حيدر علي فرّت بلا قناع=ويّا الحرم و النّار تسْعَر بالصّواوين يَم البنين الأربعه انذبحوا ظمايا=و ظلّوا ثلثتيّام بالغبرا عرايا و ليتج نظرتي عْلَى النّهر صاحب الرّايه=مفضوخ راسه مقطّعه شماله وليمين يَم البنين الأربعه محّد دفنهم=دمهم غسلهم والتّرب صاير جفنهم ومن الصّبح زينب مشَت للشّام عنهم=فوق الهزل مرّت وشافتهم مطاعين يَم البنين الأربعه تشهد لج النّاس=ماصار بلْيوث الحرايب مثل عبّاس خلاّ الأرض روس وجثث ومطهّمه داس=روس الأعادي وغلّق الميدان صوبين صاحت اولادي وكل من بالعالم يروح=و يا ليت بعد حسين ما تبقى لنا روح يا بشر بالله لاتقول حسين مذبوح=ماشوف بالدّنيا عوضعندي عن حسين عبّاس و اخوانه عليهم ذاب لفّاد=اعزاز عندي و حزنهم بالقلب وقّاد وحسين فَتْ قلبي ونسيت افراق لَولاد=فدوه لبوسكنه أولادي يا مسلمين يا ليت عندي مْن الولد سبعين مولود=بالمرجله كلها مثل عبّاس و تزود تنذبح و ابن المصطفى لدياره يعود=سالم و لا تنضام زينب والخواتين