حال القاسم بن حبيب لما رأى رأس أبيه يابوي دون حسين ضيّعت المداليل=وخلّيتني يابوي دمعي بخدّي يسيل دون ابن حيدر طلّقت يابوي دنياك=و تعفرّت بالغاضريّه دون مولاك قصّر الحظّ ولانصرت حسين ويّاك=ياليت صدري قبل صدرك داسته الخيل نلت المعالي يوم خضّبت الكريمه=بدماك دون امدلّل الزّهرا و حريمه فزتوا بعز المرجله لكن هضيمه=جلب الحريم ميسّره فوق المهازيل تعليق راسك بين عدوانك علَي هان=من شفت راس حسين ياضي فوق لسنان مْع راس ابوفاضل وروس اشبال عدنان=فوق العوالي كلّما هب الهوا تميل قلبي تفتّت والدّمع بالخد همّال=ظنّيت هالوقعه يبويه ارجال برجال ولن الحريم تنوح فوق ظهور الجمال=هاي الحريم ابيسر في وين البهاليل و اقبل على زينب و قلبه ابنار ملهوب=و شاف الخلق صكّت و ضاقت ذيج لدروب و امخدره تنعى و بجاها يفت لقلوب=ويّا عليل امغللينه بالزّناجيل نادى ابصوته اتأمّلي يا هاشميّه=أرد انشدج شنهو الجرى بالغاضريّه جنّج الحورا مخدّرة راعي الحميّه=قالت نعم زينب أنا بنت البهاليل آنا التي ما شافت العالم خيالي=و النّاس ما نالت من العزّه منالي واليوم ما يحتاج اوصّف لك احوالي=خلّيت اخويه عْلَى الثّرى من غير تغسل آنا التي بالصّون موصوفه و لخدور=محّد حصل فخري وعزّي ابكل لدهور واليوم من بعد الخدر حسره على كور=من عزوتي ما ظل عندي غير لعليل نادى ودمع العين فوق الخد سفّاح=شفنا الدّهرمن قبل راوى افراح واتراح لكن مَشِفْنا روس تتعلّق على ارماح=و امخدّره تركب على اظهور المهازيل صاحت يهالشبّان يمّي لا تمرّون=تذوبون قلبي جان عن حالي تنشدون ذكّرتني يَبني ابشبّاني و لغصون=راحوا وخلّونا حريم ابلا رجاجيل