حضور أميرالمؤمنين ليلة الحادي عشر حرقوا خِيَمْهُم و الوحيده الهاشميّه=تلم اليتامى وموحشه عليها المسيّه جلجل ظلام الليل وارعد عصف لرياح=ليلة احدعشر و ابسماها البدر ما لاح سرّحت بالوادي نظرها بدمع سفّاح=و اتقول والله ليلةٍ قشره عليّه حول الخيم لنها تشوف يحوم خيّال=ضاقت عليها الواسعه وصاحت ابولوال جنّب يفارس جان جيتك تطلب المال=نهبوا الخيم و النّار ما بقّت بقيّه وخّر ترى احنا مسلّبات ولا لنا ثياب=و ارجالنا كلها جنايز فوق لتراب وانا ترى زينب و ابويه داحي الباب=محّد من العالم طبق يدنى الثنيّه أمّي الزّهرا و دعوتي لازم مجابه=وجدّي رسول الله وانا روح النّجابه وصدّت تحن صوب النّجف صاحت ييابه=ابهالحال يا حيدر و لا تنتغر ليّه حيدر أبويه اللي يدير الفلك بيده=و انا العزيزه شلون خلاّني وحيده جي ما درى ابزينب ابهالحاله الشّديده=و لنّه يناديها يَزينب يا زجيّه انا يَزينب والدج و اسمع اعتابج=وكلّه نصب عيني يَمحجوبه مصابج يعزيزة الزّهرا القضا للطّف جابج=صبري يَبنتي واحمدي رب البريّه صاحت يَغوث الموزمه حِرْنا بصفاتك=كاشف الشدّه اشلون يوم الطّف فاتك ماجيت لابنك واكشفت شدّة بناتك=ظلّن بليّا استور بين اعلوج اميّه حيدر يَبويه عقب عينك قاطعتنا=هذي الأمّه ومن وطنّا شرّدتنا هذا النّهر يمنا و عن ورده امنَعتنا=وجم طفل عدْنا امن العطش ضاق المنيّه دفنوا خوارجهم ولا شالوا لنا ميت=وانا على التل وقَّفِت حسره وناديت ياليت لاجان ارفعت صوتي ونخّيت=ما جاوبتني غير خيل الاعوجيّه