الحسين و ولده السّجاد ثار العليل يصيح زينب يا زجيّه=قومي بعجل جيبي العَصى والسّيف ليّه حسين انفرد وحده تعالي سنّديني=وجيبي العصا بْيسراي والسّيف بيميني يختي سكينه بعجل قومي نَهِّضيني=نخوات ابويه اتْزلزل السّبع العليّه بسيفه طلع والدّمع يجري فوق الخدود=ينادي يبويه من اخوتك ظلّيت مفرود لبّيك يَبْن المرتضى يا سر الوجود=وين الانصار و وين فرسان الحميّه في وين فرسان الحريبه زهير وهلال=وبرير وين ومسلم وسردال الرجال أعني حبيب اللّي لجلنا خاض الاهوال=قلّه بقوا كلهم على حرّ الوطيّه ولحّد من انصاري بقى يحمي خيامي=كلهم تفانوا و الدّهر نكّس اعلامي قلّه يبن حيدر أنشدك عن عمامي=عبّاس و اخوانه ابدور الهاشميّه في وين راعي المرجله رب الشّجاعه=شيخ العشيره التِزْهر الخيمه بشعاعه قلّه على شاطي النّهر قطعوا اذراعه=و زينب تنوح عليه نوح الراعبيّه قلّه يبويه وين شبه المصطفى راح=لمَّن سمع حنّ وصفق راح على راح قلّه توزّع جسم اخوك بطعن لرماح=و اهناك جسمه ياضيا عيني رميّه قلّه يبويه وين شبل الحسَن جسّام=قلّه تخضّب بالدّما و فوق الثّرى نام و انجان تسأل ما بقى واحد بلخيام=كلهم تفانوا و الخيم ظلّت خليّه ما ظل غيرك للحرم يحمي حماها=و ارجع يبويه للنّسا سكّن بجاها اعوينك الله اعْلَى الرّزايا اللي تراها=بعدي تشوف اهوال ياباقي البقيّه بَسْ الله الله ياعلي بعدي بهلَيتام=حافظ على النّسوان ساعة حرق لخيام شبيدي على زينب عقب هالعز تنضام=ماهي يبويه معوّده تركب مطيّه أوصيك لو شِفْت العدا يبني لفتكم=دارت عليكم بالمخيّم فَرْهدَتْكُم إنتَ يبويه و عمّتك باروا حرمكم=لتْضيع بعدي هالبَنات الفاطميّه بس انجدل من فوق هالميمون معفور=شوف اشْيحل ابهالحراير وسط لخدور والله هضيمه جان زينب ركبت الكور=عقب المعزّه يصير اسمها خارجيّه