في مجيئ الحسين لمصرعه يحسين قوموا مْن الخيم ذبّوا العمايم=هذا بدركم مِنْخسف ياولاد هاشم يحسين ثور من المخيّم جيب شيّال=سردال جيشك لا تتركه فوق لرمال عنكم ابوفاضل مشى وضاعت هالعيال=دركه تراهو بجانب المسناة نايم طفّح جواده ووقف يمّه ودمّه يسيل=ينادي يبو فاضل علينا حاطت الخيل ياهو اليباري هالحرم لو هوّد الليل=وانا بعد ساعه على التّربان لازم لكن يخويه وين بتّارك طرحته=قلّه يخويه انقطعت اجفوفي و تركته لو سلم جفّي جان هالبيرق نشرته=وردّيت للخيمه وجود الماي سالم قلّه يخويه بو الفضل في وين الجفوف=قلّه يخويه اتقطّعت مابين لصفوف دمّي على عيني جَمَد يَحْسين ماشوف=نشّف ادمومي يابقيّة آل هاشم نادى يخويه لَغْسِل بدمعي دمومك=تمنّيت جان الهالحريم الله يدومك لكن يخويه ابهالارض يومي و يومك=وتضيع من بعدي وبعدك هالفواطم تخوصر علىعضيده يودعه وصعّد انفاس=يا جمرة الكون الذي ماقطّ تنْداس ظهري تراهو انكسر من فقدك يَعبّاس=طاح العلم واتفلّلت منّي العزايم عزّم يشيله للمخيّم قال ما روح=خلني على الشّاطي أعالج طلعة الرّوح مَقْدَر أروح الخيم وانظر زينب تنوح=وانظر دمع سكْنه على الخدّين ساجم