حزن ابن الحنفية على وحشة الدور محمَّد ينادي ويصفج شماله بيمينه=لاتذكرون العيد لي يهل المدينه دوبه يجر ونّه ويصفج إيد بإيد=يهل المدينه لا تهنّوني ابهالعيد مشتغل باحزاني على فراق الصناديد=والعيد من بعد أخوتي ويني وينه بعد العزيز حسين ويني و وين السرور=شلون أعيّد والأخو هايم بالبرور ومن عزوتي ظلّت خليّه وموحشه الدّور=ومجلس أخويه حسين بابه سادّينه يحرم عليّه العيد من بعد الهواشم=أبو علي وعباس والأكبر وجاسم نذرٍ عليّه جان عاد حسين سالم=العيد والله لانصبه من قبل حينه و انجان عاد حسين سالم ويّا الكرام=والله لسوّي العيد واجب سبعة أيّام واعمل الزّينه بالمدينه وانشر أعلام=يابو علي هالعيد وين معيّدينه شيّبت راسي يالأخو من قبل لمشيب=بعدك فلا عيشي هني ولا قلبي يطيب وتتزايد احزاني من أنظر هالمحاريب=ظلمه ونور حسين منها فاقدينه وينظر غراب البين ينعى بالمنازل=و يصيح من قلبٍ حزين ودمع سايل يغراب قلّي وين اخويه حسين نازل=وبأيّ وادي عزوتي حطّوا الظّعينه هيّجت حزني ياغراب البين بنعاك=خايف على خيّي وعضيدي يذبح هناك ياليتني شايل ينور العين ويّاك=ولاجان تتركني يخويه بالمدينه ويدخل على فاطم وهي تجذب الونّه=يقلها يبنتي بونّتك ضلعي تحنّى تدرين ابوج حسين باع السّهم منّا=و خلاّني و خلاّج يافاطم حزينه و اهل المدينه جوا يهنّوني ابهالعيد=من حين سمعت لطمت الخدّين بالإيد وين الفرح ياعم واهلي عنّي بعيد=العيد ياعمّي فلا يطري علينا العيد لمّن يزهر المنزل بالحسين=أنشر بيارق في المدينه شمال ويمين وافرح واودّي بالبشاره لأم البنين=بعد الفرح وتعود دولتنا علينا من هالسّفر ياعم ماظنهم يعودون=من حيث أناقلبي عْلَى بويه حسين محزون و انجان وصلوا كربلا ما ظنّتي يجون=ما نسمع إلا بعلم أبويه ذابحينه