أحوال فاطمة العليلة بعد أبيها لحّد يبويه وقفت اببّابك الوفّاد=ناخت ركايبها على جاري المعتاد أصبح أنا و امسي اتسامرني اهمومي=بالنّوح دايم ينقضي وبالفكر يومي والليل لو هوّد علي حاربت نومي=والمرض ناحلني وعفت الشّرب والزّاد من يوم سفرتكم يبويه مواعديني=تخلّون واحد من بني هاشم يجيني جنّكم نسيتوني او وحيده تاركيني=يا ياب ويّاي الدّهر يمشي بالعناد ماهي مروّه يهل المروّه تقطعون=مكتوب لا يوصل ولا طارش تودّون تبقون للتّالي بسفركم لو تعودون=ياكرام كل مايمر يوم الحزن يزداد كل يوم أقول أخبار توصل عن سفركم=لو طارش بمكتوب يشرح لي خبركم مدري أَءَيِّس يا هلي لو أنتظركم=طالت المدّه وبالخطر حسّيت يمجاد قبل المشيب من الحزن راسي ترا شاب=وامّا اليهيّج لوعتي و حتّى القلب ذاب امّا غراب ينوح لو وافد على الباب=يسأل يهَل هالبيت راعي البيت ماعاد نوبٍ أقول الطّير بالصّدفه نعيبه=ماهو خبر ميشوم يتعنّى و يجيبه و نوبٍ أقول ابهالسّفر مدري اشيصيبه=عزنا و جانون الجفا بالقلب وقّاد