من يوم سادس بيّنت رايات كوفان=لزموا الشّرايع وامتلت بالجيش وديان كلها من الكوفه المشومه مستعدّين=سبعين الف سدّوا الفيافي شمال ويمين وحسين ما غير اخوته ونيّف وسبعين=والخيم مَمْلِيّه حرم واطفال رضعان خندق على خيام الحرم صاحب الغيره=و كلها ملاها بالحطب ذيج الحفيره وصارت النّار على المخيّم مستديره=هاي المصايب يالموالي وهاي الاحزان طلعت بلوعه من الخبا زينب حزينه=تقلّه يخويه هالجيوش اللّي تجينا إلنا ينور العين قلّي لو علينا=الوادي يبوالسجّاد فايض من الفرسان قلها يزينب والقلب يسعر لهيبه=كلها علينا واستعدّي للمصيبه تبقين يختي ابهالارض بعدي غريبه =بيد الاعادي و تبتلين ابجيش نسوان هذي يزينب كربلا وهذا نهرها=وهذا زمان مصيبتي وهذا شهرها حتّى العدو يمخدّره عنده خبرها=تقاسين بيها من الكروب اشكال والوان تقلّه يتالي السّلف من وصّيت بينا=وياهو عقب عينك يردنا للمدينه و ابهالفيافي من يصالي هالظّعينه=وياهو اليباريها ويباري عليل وجعان قلها عليج ملاحظ النّسوه ولَطفال=وتجلّدي يَبْنَة الزّهرا بكل الاحوال الله عوينج لو حدى حاديكم وشال =وشفتي الجسدعاري وراسي براس لسنان خرّت المحزونه تون و القلب صادي=اتقلّه يخويه ابهالحجي اتفتّت افّادي الله يبو السجّاد نبقى بيد اعادي =كل المصايب والهضم ولْية العدوان