مع سلمان المحمدي لا تلومني لو هاجت احزاني يسلمان=جنّك متدري بالذي فعلت العدوان منّي خذوا حقّي ولا راعوا الوصيّه=وهجموا علي داري وساتر ماعليّه و المرتضى قاعد و عبراته جريّه=و ينظر بعينه اببّابنا وجّوا النّيران لا تلومني ضلعي انكسر بالباب قوّه=ماقصّروا فينا عديمين المروّه جنّك متدري هالعبد بيّه اشْسَوّى=سقّطني المحسن و خلَّى الجسد نحلان جسمي انتحل من ضربة المسمار صدري=وانلطمت عيوني وداحي الباب يدري وكلما جرت نكبه عليّه ازداد صَبري =وكظمت غيظي والقلب فايض بالاحزان و بس عايَنِت حيدر ملبّب قايدينه=وسمعت شبلي الحسن يندب راح ابونا غصبٍ عليّه طْلَعت خوفي يذبحونه=و تتيتّم أولادي عقب فارس الفرسان ضلّيت أدافعهم وظْنتي يرحَموني=و مالوا عليْ بالسّوط ظلّوا يضربوني والله يَسلمان الضّرب ورَّم متوني=قصدي أبث شكواي للواحد الديّان قلّها يَزهرا يقلّج الكرّار روحي=ردّي على بوج النّبي بالدّار نوحي قالت عقب حيدر تراني تروح روحي=خلني أزلزلهم ترى مابيهم احسان خلني يسلمان اشتكي ذايب افّادي=يطلع علي الكرّار لو زَلْزِل الوادي والله يَسلمان الرّجس روّع اولادي=هذا جزا المختار من عدهم يَسلمان ماقصّروا أجر الرّساله اليوم أدّوه=سقطوا جنيني و الوصي بالحبل قادوه ماقصّروا حتى الضّلع بالباب كسروه=جان القصد حيدر علي شْجرمة النّسوان والله يَسلمان العبد دمّي برقبته=وحق والدي جنين الحشا مات وطرحته قصده هلاكي من هجم والله عرفته=ومن طلعوا بحيدر علي كل الأمر هان