لمستهل: راح الكفلني وما رجع = بس لاعلى الشاطي وكع ما اجاني = أو أبقه أعاني بس لا على الشاطي وكع *** 1. محتاره الكفلني اشلون اوصيله= او لا اندل مكانه خاطر امشيله عن هظم الاعادي رايده اشكيله= اويدري ابت علي ما تحمل العيله وتنطرت راعي العلم= يا ساعه يرجع للخيم واعداني = اوابقه أعاني بس لا على الشاطي وكع *** 2. أريد أبجي على اليستاهل أبجيله= وكع واتعجبت يا كاع التشيله جبل ما ينحني اولا يعرف الميله= لو يلتم عليه العسكر ابخيله *دم أبجي ما أبجي دمع =عالفاركاني ابها لوضع ضيعاني = او ابقه اعاني بس لا على الشاطي وكع *** 3. بعيد العلكمي ودروبه مسدوده= اوتعطل ما اجانه الننتظر جوده صحت هذا وكتها الخوه مريوده= اثاري اعله الفرات امكطعه ازنوده يصعب علي هذا الامر = عالعلكمي ايغيب البدر وانه أتاني = او ابقه اعاني بس لا على الشاطي وكع *** 4. توجيت على صبري اوكابرت كوه= اوتعنيت الشريعه اتفكد الخوه ناديته العذر يا صاحب النخوه= خدري حركته الماعدهم مروه يا بالفضل جيت اعتذر = لو بيدي ما عوف الخدر الهم دهاني = او أبقه أعاني بس لا على الشاطي وكع *** 5. عتاب اعله الزمان ابكلبي شايلته= ابد مو عالكفلني او آنه عاذرته تشهدله الخلك ما قصر اويخته= لجن غدر الزمان امن الصبا اعرفته معذور ابن ليث العرب = كل محنتي اوهذا التعب من زماني = ابقه اعاني بس لا على الشاطي وكع