بس بيَّن هلال حسين = بانت بعده الأحزان گامت زينب اتنادي = هلَّت فجعتي ابلخوان الهلال يزينب أعتذر منچ = أنا هلال الأسى والبين سألتچ بالله عذريني = فجعتچ في أخوچ حسين مهو بيدي يمبرورة = أفطُّر گلبچ ابلونين لكن كتبة الباري = انعزِّي الكعبة والقُرآن السيدة زينب(عليه السلام) يهلال اوَّل محرَّم = ماهو بيدك اللِّي صار دم حسين بالغبره = أو توسيده على الأوعار لو صدره التدوسه الخيل = لو شبِّ الخيام ابنار كل اللِّي جرى اعلينه = أسبابه من العدوان الهلال يزينب آنه مثلاتچ = حزين اوگلبي متفطُّر على اللي اتوسَّد الغبره = ثلت ايَّام متعفُّر وعلى اللِّي بالعمود انصاب= أوعينه بالدما تگطر عليكم هالدهر جاير=مايُعرف وفا وإحسان السيدة زينب(عليه السلام) أشوفك منخطف لونك = أو ظهرك منحني يهلال وعلى حسين انكسر گلبك = أو دمعك عالفضِل همَّال صحيح انك تواسيني = وتخفُّف عنِّي الأهوال بس منهو اليواسيني = بعد ماتتوسَّد التُربان