جيت اودعك يل كمر كبل الرحيل=يل مصابك بالكلب ماله مثيل *** جيت اودعك يل كفلت العايله =انت كلت وياي كومي لكربله تعوفني ويه عداك وانه مدلله=مدللة عباس والمدمع يسيل مدللة عباس تحتاج الامان= والله عجبه شلون دورات الزمان لا خيم ظلت ولا ظلي مكان=منين ما ادير الوجه اسمع صهيل منين ما ادير الوجه اسمع صياح=وروس جدامي تلوح اعله الرماح امس وين اليوم وين وبالصباح =عكب عزي اعله الهزل بين العويل عكب عزي وهيبتي والجاه ذاك=دارت اعليه العده بطيحة لواك من يردني لديرتي ودرب الهلاك =كمت احسه برحلتي ودربي الطويل غير درب الغربه وفراك الاهل=ما بقه عندي ولا ضلي امل وتدري دلالي على الفركه اشتعل= يوم طاح حسين بالحومه قتيل يوم طاح حسين عكبك يل كمر=اهتزت الدنيه لجل دم النحر ومن وصلنه الجيش راوانه الامر =يوم كال من الخيم يله نشيل يوم كال انشيل يا خويه بجيت=وشكثر بيك اشكثر صحت ونخيت ها ي يبو فاظل عله خيامك بطيت =وارجع لامري وكلت صبر جميل وارجع لامري واصد اعله الطفوف=وجثه جثه اعله الترب كمت انه اشوف تسابقت كلهه عله ملكات الحتوف =لجل تنطي اعله العده اعظم دليل لجل تنطي اثبات خالد للابد=وتنطي للتاريخ من يروي السند هذا ابو اليمه وفه بنحره الوعد =وحول اعليه الامر هذا الثجيل حول اعليه الامر يابو الاباء=وهذ اخذته وياي يا خويه اللواء وضلت انوار الهدايه بكربلاء =تروي قصتنه بقت جيل اعله جيل