تودعيني تودعيني=يعمه لا تودعيني عليله وروحي ما تحمل=وحدي لا تخليني *** حلم طفله بكبر روحي=وبرقة غصن ورده واماني هواي اتمنه=يعمه وما شفت وحده جبت عمري اعد ايام=اكولن كلشي يتعده لكن ما كلت دهري= يحضرلي الف شده وتعوفيني تعوفيني=يعمه لا تعوفيني يا هو اللي يصبرني=وحدي لا تخليني *** شحسب جم جرح مرن=شعدهن والجروح هواي اكولن بلكي يتعدن =اتاني وخيبن رجواي وانه مدللة اهلي=عكبهم شتخذ يا راي والمن عني من ترحون= اوجه لوعتي وشكواي ينسيني ينسيني=اهلي من ينسيني يعمه والضعن لو شال=وحدي لا تخليني *** اتيه بلجة افكاري=واذوب بوحشة ايامي واسافر وي خيالاتي=وضعنكم بعده جدامي وافزز كل جرح بيه=واذبح بيدي احلامي ولا لحظة بعد عنكم=تكمل اهي والامي تقنعيني تقنعيني=عله الفركه تقنعيني جسد ويودع بروحه=وحدي لا تخليني *** لون واحد اودعه تهون=واصبر روحي عالفركه واحاول بالوداع وياه=احبس دمعة الحركة واكول يرد اليه بيوم=وانسه اللوعه بالملكه لكن كل بني هاشم=اضمن واخفي يا شهكه يناديني ينادينيي=حاديهم يناديني احس والعله تمنعني=وحدي لا تخليني *** بعدكم يا حضن دافي=يلمني بالخطر لو حل واسألج من يمسيني= يعمه بالمسه لو جل واذا حادي الضعن طوح=اسألج عكبه شتحمل وابوي وفركة اخواني =ابد ما اكدر اتحمل يراويني يراويني=الزمن مدري شيراويني بعد من هالامر شصعب=وحدي لا تخليني *** يعمه ولو صحت عمه=يا هو اللي يجاوبني غيرج يم كلب قران=وعله العله يهيدني ياهو من اصيحن اه=يصبرني ويداعبني مثلج لو مثل اهلي=يعمه منهو اليحبني وموازيني موازيني=انكلبت كل موازيني وتغير كلشي يا عمه =وحدي لا تخليني