انه العليله = بويه حسين تاركني وحدي = ورايح وين فوك المواجع=صب المدامع يجوي العين *** يا بويه بعيونك دمع = عن لا اشوفه تحبسه واحساسي اخر لحضه الي = وجهك اشوفن شمسه تصبرني ولكلبي النبض = انت واريد تجسه تدريني ما احمل بُعد = رايدني حبك انسه بُعدك منيتي = وبُعدك نار تدري بوداعك = كلبي احتار خليني اشمك = ولكلبي اضمك بويه حسين *** وارسم تصاوير الامس = واسمك عليها الكمره تخليني موتدري الجسد = من علته ما يبره ما اكدر غيابك صعب = يجوي المشاعر جمره وياك اخذني = من اتروح تدري بحياتي = كلها اجروح ياهو الاليه = ويعطف عليه بويه حسين *** بعيوني من شفت الضعن = ماخذ الغالي الغالي حسيت صارت دنيتي= سوده وضلام كبالي لا عم بقه ولا اخوتي = ياهو اليحن لحالي معقوله وحدي وهالضعن = بس ذكرى يبقى ابّالي لو رحتو ياهو = يدك الباب ضل بيتي خالي = من الاحباب تدري بزماني = بسهمه رماني بويه حسين **** كل الهواشم بالضعن = معقوله ابقه بوحدي تخلوني محتارة فكر = بيش انتهي وبيش ابدي تدريني بويه بدنيتي = غيرك ابد ما عندي واضح وداعك للابد = ما منه رجعه وجدي ليا غربه ماخذ = هالمضعون ما تبقه بعدك= عندي عيون جيت ارد اكلك = اعميها لجلك بويه حسين *** يا بويه وبضعنك كمت = اشتم عطر عباسي من يمشي ياهو اللي يجي = وبجفوفه يمسح راسي الله يا هذا الزمن = بس بيه اصبح قاسي ماخذ عمامي واخوتي = البهم اجر انفاسي الاكبر اشوفه = وجاسم ذاك خليني بويه = امشي وياك حضنك يلمني = يجليلي حزني بويه حسين *** خليني اشمك يا نبض = كلبي ويبعد سنيني ومودع برب العرش = ترجعلي وتباريني وراح ارسم لهذا الضعن=صوره وتنام بعيني بس ردتك وكبل السفر = من حضنك تروّيني رويني صبرك = عالالام وارويني حلمك = عالايام حد ما تجيني = دمعي ويه عيني بويه حسين *** وهناك وي ليل البعد = يا بويه اسال عني تلكاني ودعتك كبل = ما تعتني تودعني ردتك تجيني وما ردت = غيرك شخص يدفني ولهذا حفرولي الصبر = ودموعي التغسلني شكد انتضرتك = ما رديت حدما بجالي =حتى البيت وعطرك اخته = بكلبي دفنته بويه حسين