بيمن بعد امتحن=شعندك يليل الحزن طفوا ضواها الخيم=من طاح راعي العلم شعندك يليل الحزن يا ليل اخذني بلا ضوه لضلمتي=وخليني اسولف بالدمع حسبتي يا ليل واحجي كل مصاب اخوتي=الجانو ترس ناضري وخيمتي مدري ابدي من يا جرح=وضاع من اديه الصبح لا اخوه تفزع الي=بالطف عفت كل هلي شعندك يليل الحزن *** يا ليل اجيت ويه اخوتي بهالضعن=لا ضعني ظل ولا اهل لا وطن بس روس تالي وكربلاء الجفن =وعالسمهريه الروس وياي اجن يا ليلي كلما ترد=احسب مواقف واعد من علي لدم كربله=احزاني متواصله شعندك يليل الحزن *** ياليل تذكر من وعدني الكمر=من كال يختي اعليه ذبي الخطر ولو ردتي اجيب المشرعه والنهر=وجفوفي يختي فدوتج والنظر تاليها شوف ا لجره=ضحه الي بمنحره شحجي وشسولف بعد=مو شفته وفه الوعد شعندك يليل الحزن *** لحضات جنها كل سنين المضت= وي كمر هاشم عالشريعه انتهت بس ذكرى ظلت من ليالي الكظت=وبينه الاجانب للنوايب حدت وهناك عالمشرعه=تبجي السمه السابعه يل ظلمتك ما تفض=تدري باخوتي النبض شعندك يليل الحزن *** يمه ارد اصيح واسكت من الخجل= تاخذني صفنه واختنك بالزعل واللحظه احسها عله المشاعر جبل=من جيش اميه وسوء ذاك العمل واسكت يليل البله=الجايبني من كربله وهناك عفت الضوه=ومخنوك حتى الهوه شعندك يليل الحزن *** خطواتي تنزف والنظر منشبح=مدري شجنيت بجيتي ويا ربح احسب مصايب لو اعد جم جرح=ريت بضلامك ما يمر بي صبح وانشاف فوك الهزل=هالامر ما ينحمل يا ريت كبل اخوتي=انكتبت الي موتتي شعندك يليل الحزن *** خوف ومنايا وموت وسط الخيم=تاليها ضعني بلازلم بس حرم حتى الطفل ياليل لتضن سلم=من غدر اميه وريت كلهم عدم ياهو اليلم عيلتي=وينقذني من غربتي عباس ما اظن يرد=ينقذني من هالبعد شعندك يليل الحزن