شعراء أهل البيت عليهم السلام - مُعِزّ المؤمنين امضيف الكل - المجتبى

عــــدد الأبـيـات
21
عدد المشاهدات
1653
نــوع القصيدة
عامية
مــشــــاركـــة مـــن
تاريخ الإضافة
22/09/2019
وقـــت الإضــافــة
11:45 مساءً

مُعِزّ المؤمنين امضيف الكل = مضيفك ما يِقَدِّم للبشر ذل كل من يتبعك مينَكِّس الرَّاس = عزيز اطباع في إيمانه يرفل لاموني اشكثر، نقلوا أكاذيب = ظنهم عن محبتك ممكن اعدل قلت إلهم نعم ممكن اخليه = إذا تحت الشَّمِس ما لازمه الظِّل إذا بالنهروان أجفل وصفين = من أعدائه رايح عنه اجفل إذا من نذكره ما نذكر الجود = أو نقدر إبائه عنَّه نعزل يالواجب علي أتنفسك كون = ريتي حتى طبعك مثله تحمل أشعر بالحياة اوياك، هيهات = أترك جنّتك والغيرك أقبل منو مثلك بشوش وبسمته اعلاج = وابوجه اليشتمه بسمته ايسل ثرّه اعيون عطفك عالمساكين = تجزل بالعطا والعين تهمل غيرك بالحجج ويَّ البراهين = يسعى وحچيه في كل خطبه يصقل بلكت يهدي واحد تيَّه الدين = وانتَ بنظره وحده لله تُوصِل من يعرف مقامك يقبل أسباب = صلحك والفعلته كله يعقِل بيك اتمسكت حتَّى الحمامات = عجيب اشلون عنك وادم اتفل ذاك الماقبل يمشي ابمحاذاة = خطواتك مصير أجدامه اتزل يمَّك ناس عنك هم بعيدين = وآنا ابعيد لكن يمّك أشتل أشعاري الي بيها آمل الفوز = والي اعليك يكتب حاشا ميضل يمك بالبقيع أشتم كرامات = واشعر رحمة الله اعليّه تنزل أَمِل منّ القصور البيها لذات = بس اتراب قربك منّه ما مل خزاينهم تِقل بس انتَ تزداد = مع إنك بالعطاء اهوايه تجزل إجيتك وادري مَتْخَيِّبني حاشاك = يالكل مُعضِلاتي تقدر اتحل
Testing