رفرفت رايةْ إبائك = رفرفت فوق السطوح منها ريحة كبريائك = في السَّمَا صارت تِفُوح والله ما نترك عزائك = صوب غيرك ما نروح يبقى دين الله ابَّقائك = فدوه لك هذي الجروح حاربو دين الله لكن = كان بيك الإنتصار احنا في كلِّ الأمَاكن = عدنا هيهاتكشِعار نغرس اجروحك مآذن = نبني من صبرك مزار ندفع ابأسمك براثن = كل معاني الإنحدار من زمانك لين باچر = لين يورثها الإمام هالأَرُض حقها تِفَاخر = بيك وبحسن الخِّتَام والله لو لاك المنابر = ما هدت كل هالأنام ولا بقى في الدنيا شاعر = يصنع ابشعره السَّلام قالو اعلينا روافض = قلنا نرفض كل يزيد احنا غير الحق نِعارض = مذهب الذُّل ما نريد في الولاية ما نِفاوض = عن علي لا ما نِحِيد ندري من غيره الفرائض = مهما كانت ما تِفِيد من طفوفَك هالعقائد = والمبادئ يا حُسين خَذْنَا وانتَ لينا قائد = يا بطل في النشأتين مهما في دربك نِجَاهد = ما تِعادل قطرتين من بحر جودك شواهد = في رحاب الخافقين