♦♦♦ المُستهل ♦♦♦ إن تنكروني فأنا شبل الحسن =سبط النبي المصطفى و المؤتمن أنا عزمٌ و يقين = و فداءٌ للحسين ♦♦♦ الفقرة 1 ♦♦♦ أتأمّل اللحظة...ومضة بأثر ومضة=وانظر إلى الرمضا...واتأمّل الآيات واللهفة تحدوني...تترقّب اعيوني=بيا هم يفجعوني....بيا فاجعة ومأساة بعيوني شاهدت السما من نوره خجلانة=لَنْ لاح إِليَّ من الخِدر يلمع مثل دانة جاسم مثل شمس الضُحى=وأنواره هيّ ال تشرحه هذا العظيم بلامته=بازغ مثل نجمات وارث علم و إيثار....رابي بحنان الدار=ووارث من الكرار....إقدامه وعزومه بوجهه الحسن يسطع.....و بدينه يتمنّع=ما يخضع و يركع....لو نزفت ادمومه إل يربيه الإبا ما يقبل الذلة=واللي عرف دين النبي ما يقبل يبدله يحمل رسالات السِما=حاشى الأعادي تهزمه لو تجري بحور الدِما=ما يترك الحومة يِمر طاري الشجاعة يلوح اسمه=عظيم المنزلة....شباب العايلة فدائي و ينصر بْلَجفان عمّه=في عرصة كربلا....و يقدم روحه لَهْ صنع قدوة إلا كل الشباب اليوم=وُ قدّم دمه ينصر شرعة القيّوم صنع بالتضحية جادة فِدا وعلوم=إذا نلزمها فزنا بنصرة المظلوم مَهي صدفة يفوز بنصرة حسين=وُ اسمه ينحفظ....بسموات و أرض تربّى اعلى الوفا للشرعة و الدِين=فِدائي ينتفض....وُ يجهر بالرفض رضع ثدي البسالة وزاده التقوى=وعلى دينه قبض في الشدة والبلوى فلا يخشى الجحافل والعزم أقوى=ينادي بالشهادة قلبي يتروّى حِزامْ=إلى العيلة الشباب بقوته و باسه هُمام=إذا يغضب إليها يصعّد أنفاسه كريم=في درب التضحية و القدوة عبّاسه عظيم=يقدّم للعمود بكل فخر راسه مسافات...عبرها بخياله=طواها...وُ نال اللي ناله يقدم....شبابه وجماله=و إلينا....يعلّم خصاله يموت=مَن الذلة رضى و ما قدّم أعمار و تفوت=عليه اسنين عمره بدون إيثار سكوت=شنو يفيده إذا جيش الكفر ثار نموت=يقول حسين بس ما نركب العار وُجسّامْ...تمثّلها بالطف=بلقدام...وُ بِعزومَه عرّفْ فدائي...ولا يخوّفه قصفْ=رفع سيفْ...وُ في الحومة وقّفْ ♦♦♦ الفقرة 3 ♦♦♦ تركوني آني امه...خلّوني بس يمه=خل اصبغ ابدمه....بخضابه جفيني قالوا لي بس زفة....و زفّيته الحتفه=بالدم كتب نزفه:....(يا يمه ذكريني) جنت احسب ايام و ليالي وانتظر يومه=ما ظني ابعرسه ايتخضب جفه بدمومه ما جنت أحسّب هالبلا=مو هذا جنت اتأمّله فجعتني ببني كربله=يبني عمت عيني و دموعي سجابة...يالصاير اخضابه=وسفة دما امصابه....يالرايح امن ايدي يبني الفكد يصعب....خلّوني يا زينب=يا ريت اني امخضب....من دمّي اوريدي تركوني يم جثة حبيبي انجدل يمه=عطشانة روحي خل اروّي روحي من دمه يلي على الرمضا اعتفر=يوليدي رايح بالصغر مو قلبي يالغالي انكسر=بالحسرة يوليدي أنا من شفت بزْفافك ثيابك=فلا قلبي اطمأن....كأنْ لابس جفن كأنّك عالثرى و دمّك خضابك=تفتني ابهالمحن....أيا شبل الحسن اروح ال مَن يا جاسم من تخليني؟=واريد اغسل جروحك من دمع عيني كأنّك يبني من نحرك توّصيني:=إذا لاقيتي زفة (يمه ذكريني) يحسرة ما تهنيت ابشبابك=تروح ابهالعمر....يجاسم بالصغر اشوفك منخضب من دم مصابك=و جسمك معتفر....و قلبي منكسر وفيت ابوعدك امجدّل على الغبرة=يهل العريس و خضابه دما نحره يجاسم قلبي عنّك راضي و العترة=لمّن بيّضته وجهي عد ضنا الزهرة سِلا=فلا قلبي غفل عنك ولا سالي تظل=في بالي و ما تغيب ابلحظة عن بالي يمن=على اجراحاته هم وجهه بقى ايلالي إلى=إلى الجنة أزفك يبني يالغالي اذا اتروح....خيالك فلا ايروح=و بالنووح....اظل يبني بالنوح و فقدك....ترك بس إلي اجروح=يمذبوح....و قلبي الّي مذبوح