والدي حيدر وُأمي فاطمة وآنا الحسَنْ=اشلون ما ليَّه مناره وُلا ضريح وُلا صَحَنْ ..؟ اشلون شبَّاچي يشيعه سور وُيمنع زايري ..؟=ما يعز اعليكم احساسي وُكسرة خاطري ابذكرى فگدي ما أشوف إلا التُّراب ابناظري=انظلم ب اول زماني وانظلم تالي الزَّمَنْ اشلون ما ليَّه مُعين وُما إلي إلاَّ العرَّى ..؟=مو ثلثت ايَّام جسمي يبگى مرهون الثَّرى أكثر ابگى ابغير حضره وُلا قِبب ليَّه تُرى=غربتي التفت عليَّه ابيوم لفُّوني ابچفن اشلون لا شاهد على گبري ولا ورايه ترِف ..؟=حالي غير الحال وُوُضعي عنّ اخويه مختلِف احسين روحي وُدمِّي دمَّه والنزِف مثل النزِف=ليش ما اتزورني واتعوفون اهلكم والوطَنْ اشلون ما جيتوني مشَّايه وُركبكم ما دنه ..=حتَّى ويَّاكم أروح الأربعين ابهالسنه ما يمر موكب عليَّه ابميسره وابميمنه=عزَّ عليَّه ما حد ايشاركني حزني والشجَنْ اشلون ذكرى امصيبتي اتمر ابمجالس خالية ..؟=شيعتي مو هيِّن امصابي وُدمومي غالية انعوا المسموم ظلمًا بين ناعي وُناعيه=واذكروا تقطيع چبدي بلسموم وُبالمحِنْ