يا بويه اوحيده عفتوني= يا بويه اعليله تدروني منهو اليمِّي= يحمِل همِّي يا بويه اعليله تدروني * * * يا بويه اعليله و محتاره= من ارحلِت ولهليوم و الونين امنحِّل جسمي= ولا جفني طبَگ للنوم سهرانه بويه او أنتظر= بفراﮔك گلبي مالوم عالدرب مشبوحه عيوني =يمته غيّابي يلفوني و آنه الوحدي= بوطن جدِّي يا بويه اعليله تدروني * * * يا بويه طالت الغيبه= يمته تعود امن السفَر لا طارش لا مكتوب اجه =يا بويه بيكم اشسدَر و آنه الملتهب دلّالي= و الگلب من عندي استعر آنه اعليله او فارگتوني= و بهالمحنه حيّرتوني آيالوالي =شاهد حالي يا بويه اعليله تدروني * * * يا بويه البعد فرّگنه= إلمن اعتب اعتابي و الدار ظلّت موحشه= و واگف عالباب اعرابي ينشدني وين اهل الكرم= گتله ذوله غيّابي وحدي بهالدار خلّوني= و ياريت اوياهم أخذوني ابحرگه اتحسّر= من اتذكّر يا بويه اعليله تدروني * * * الأعرابي لمّن خبّرني =نيِّته صوب لعراگ رفرف يابويه دلّالي= من بعد طول افراگ يا ريته ايوصّل اكتابي= گلبي الشوفتكم مشتاگ خطّارك بويه اينشدوني= و لوحدي آنه ايشوفوني آيعرابي =إخذ اكتابي يا بويه اعليله تدروني * * * يا بويه من غبِت لليوم= چنِّي اتصوّر كربله وانته اوحيِّد بين العده =و ويَّاك اطفال و عايله واخوتي صرعى اعله الترب= و اعمامي كلها امچتِّله لو ردت ابچي لتلوموني =ومن دم أهمل دمع اعيوني آيالوالد =چنَّك مترِد يا بويه اعليله تدروني * * *