ياكرم حاتم تجيني وتشرحه= گوم سد بابك عليمن فاتحه الدين راد اكرام ماراد اليلين الدين= راد حسين ضحه بچم حسين بطفله ضحه وكل هله حتى سبي العايله وصرخت الهيهات جداً واضحه حسين دگ روحه وغده يصبها بدلال= ترس فنجانه بشبه طه الكمال حتى عريس الهنه ماسلم منها ودنه في سبيل الله كلهم كادحه حسين ما لاذ بمغاره ولا كهوف= صاح لجل الله عزبت السيوف إم حسبتهم كربله صبر فتيانه أعتله بلا تعحب موت دمه أيصارحه حسين عاف أطفال وياهم رسول= حتى ماكو أعذار للرايد يگول ماسمعنه بكربله ولا حسين ولا هله قفل الاعذار ضد الماصحه حسين عاش حسين وي دنية يزيد= ما خضعله ولا ركض كله شتريد الدين مات بلا هله مشه دمه أيعدله والضنم انسان يقره الفاتحه أرد أبسطها وحط بيدك مثال =حسين مات أمعركه وفاز بقتال ماهي أسطورة سنه حربتها الماسنه والزرع تظليل ربك فاضحه