أرتحِل هذه المسَه = شيعتي وَدْعوني خمسة اصحاب الكِسَه = يمهُم ايريدوني بالجرالي أشكي حالي يمهُم ايريدوني * * * أَنه زين العِباد و حزني كل زادي يشيعه ابهالمَساء ارتحِل ميعادي ابحزنها الزهرا أسمعها إلي اتنادي ألبِّي اْلها طلبها و جدِّي الهادي وصل يومي للرحيل=و بانتظاريٓ الزهرا امن الحزِن ما ظلِّي حيل=حسره تبعَت حسره بارتحالي = أشكي حالي يمهُم ايريدوني * * * الزچيَّه بانتظاري أشرحِلْها اشلون مشينه بالأسِر و ابضَرْب لِمتون وَ لَو أدري ابألمنه كلّه بيه يدرون ولا أنسه ابحبِل عمّاتي ينسحبون بعَد وقعة كربله=عمْتي ما أنساها تنتخي ابعقد الوله= و للنهَر عيناها في خَيالي= أشكي حالي يمهُم ايريدوني * * * أريد اتناسه عِلْتي و حرْگ المخيَّم و لا أگدَر علىٰٓ أحزاني أتكتَّم إذا أحچي أهيِّجهُم و ازيد الهَم العزيز اشلون اصوُّر صدره يتهشّم منسحگ فوگ التراب=عاري شينسِّيني ردِت ما شفْت المصاب = و عميه چانت عيني اشجره اگبالي= أشكي حالي يمهُم ايريدوني * * * أكيد المُرتضي عنّ الحرم يسأل شفِت عمّاتك الركبن على الهِزّل وَ حَق جسم الذبيح و جدَّك المُرسَل اليشوف اهله سبايه اشگلبه يتحمّل و جسم ابوي ابمصرعه =و انسِبَت عمّاتي و ابرگبْتي الجامعه=و اكتم ابآهاتي و اشبقالي= أشكي حالي يمهُم ايريدوني * * * بعَد يوم الطفوف آنه اشبقه عندي رِدِت قَبْل المصايب نازل ابلحدي و لا روح و يشاهدني النبي جدِّي الدمِع ذبَّلِّي اجفوني و حفر خدِّي الهادي مهموم و حزين=أحسِب ايناديني يبني زين العابدين=ونِّتك تاذيني ابدمع هالي= أشكي حالي يمهُم ايريدوني * * * أنه الما بارحِت حزني تعرْفوني مثِل عمِّي الحسن يا شيعه غدروني و اظن مثله عنِ الروضه يمنْعوني أوصِّيكم وصيَّه يَمَّه دِفنوني أدري مثْل الغُرباء = قبري يبقه اترابه أعلَم و ربّ السماء = ابدمعته السچّابه الي اعتنالي = أشكي حالي يمهُم ايريدوني * * *