إلمن تعاتب ؟ منهو اليجاوب ؟ دمك يالرسول اجرته الرحمية=احفاد العمام وشر بني اميه إلمن تعاتب ؟ منهو اليجاوب ؟ بحث موضوعنه ابمسلم =نخوضه بعد تنويعه ولو قائم ابحد ذاته=يضطرنه اعله توسيعه تعلق بي مصير أمَه=ونظام انفرض تشريعه اله ابعاده والمطلع=موقف مسلم نذيعه رسول امن ابو اليمه جاي=كتاب وياه ابتوقيعه والمفروض بالكوفه=ابطبعهه منطقه اتشيعه احتمت بحسين من ايزيد=الماتهوا ولا تطيعه وعلى هالضوء اجه مسلم=امخول ياخذ البيعه ابخطاب ومنبر او جامع=وصلاة والناس مدفوعه ابهاي ولن حدث طارئ=خفي ومذهول موضوعه ولن مسلم يرى الموقف=ما يبعث لتشجيعه شاف الجاي من اجله=ضعف وابتده بتمييعه لا أكَول اختله المسجد=ولا بي ناس مجموعه تشوف الأبو يجر ابنه=ويهمسله ابمساميعه سلاطين اعله كرسيهم=وكل اليغلب انطيعه ذهنية الناس .. مالهه مقياس ابن زياد وحده ومن دخل جازف=الشوارب واللحه امن الخوف تتراجف إلمن تعاتب ؟ منهو اليجاوب ؟ اخاف ارجع عله الماضي=متحصل فايده باليد اخاف اوضع نقاط السود=ابمحلهه الحرف يتعقد لجن عالقاعده امشي=وارمي الحجر واتبعد تخطَّط هالطريق وسار=يبو ابراهيم واتعبد وكَام الأبن يسلك بيه=اعتاد امن الابو والجد من يوم الصِّحت بالدين=الغيم ابتدأ يتلبد غاية وهدف تحطيمه=لجن اسمه انجعل مسند تشج الرمح بالمصحف=وترفعه وبيه تتمجد والعتره ابحرصهه اعليه=صفه اعليهه الظلم يشتد ابتدأ الموقف امن البضعه=امن الاول والاجه اتعود بعْد ااشتعتب شتحجي=ومنهه الجرم يتحدد عن كل ضحية.. لامسؤوليه لو تمشي بالوجّ الباب عالبضعه=وردت اتعاتبه ايجاوبك بالسرعه إلمن تعاتب ؟ منهو اليجاوب ؟ لو تنشد امن الاسلام=الهادي ابعترته اشوصه منو اليسمع منو ايجاوب=ويجعل هالحجي ايخصه العتره اتجرعت آلام=التنقص بالف قصه اسرتين التولتهم=ابغصه اشد من غصه ابادوهم او من دمهم=كل اسرة خذت حصه ولاكَطرة خجل بالناس=نبَّت منهم ابكَه نحجي الحجي ايطول.. انعاتبهه شنكَول؟ اللهمَ العن شر بني العباس=والعن ال اميه السلسله امن الراس إلمن تعاتب ؟ منهو اليجاوب ؟ يالهادي لون نجرأ=او سِتار التغطية انرفعه نكَول الكَامت ابدوار=قتل اهلك امن البضعه حقدهم مو على العترة=الظاهر الك بي تسعه ابيوم الصحت هالثقلين=الي ردته انكَلب وضعه لونّ اموصي باهلك شر=اعتبرو خير بالسرعه لون كَايل لتئووهم=الكَلب جان اصبح اشوسعه لون كَايل ظلام الهم=ينوروهم بالف شمعه ابضيعة فدك حرموهم=ينطوهم الف ضيعه لون كَايل امنعو الماي=لتسكَوهم ولا جرعه جان ارووهم امن العين=ابدال الماي بالدمعه لون كَال اسجنوهم=ابسجن دائم بلا طلعه جان لكل سجن عالكَاع=الا وحكمو ابقلعه لون كَايل المنهم مات=حماميل اربعه اتشيعه جان ابموتت الكاظم=الرشيد ابهامته ايشيعه ابطيبة وصيتك.. انغدرت ذريتك ذبحو يسرو صلبو سبو نسوان=سمو دفِّنوا عدلين بالبنيان إلمن تعاتب ؟ منهو اليجاوب ؟ نعود لمعركة مسلم=او نشوف اشلون تترتب رجل مرسول من حسين=امره انفرض وتوجب الدولة اتلاحقه اتريده=ابكل اسلوب يتنسب جيته او دعوته لحسين=ابمهدهه اتموت والاعجب كَدرت توصله وتوليه=ابشكل منه العقل يذهب اخذو للقصر وهناك=عليه التافه اتغلب اضحك وابجي .. واخرس لتحجي ابن ازياد صار ابن الشرع والدين=ومسلمنه مخرب خارج ويه حسين إلمن تعاتب ؟ منهو اليجاوب ؟ إلمن تعاتب منهو اليجاوب ... دمك يالرسول اجرته الرحمية=احفاد العمام وشر بني اميه