ياسراج الدين يا فُلك النجاة =الحياة انته وكل معنى الحياة إنته علّمت البشر اعظم دروس=للمبادي اتْضَحّي وبأغلى النفوس ماتداهن وغد لو بيها يسوس=اتجرّد البتّار بوجوه الطغات رِسَم نحرك مجدك بدم النحر=لجل عز الدين والعز البشر والثمر جانيه يحسن الثمر=كعبه گبرك صار للناس الأباة يظل صوتك يهدر وما يستكين =اشما تمر اعوام وتمر السنين يميد بعروش البغات الزائفين=يوج ثوره بالنفوس الطاهرات علّمت يحسين كل هذا الوجود=يرفض الإذلال ويكسر القيود وعلمتنه الخلد ياسِر الخلود =وعلمتنه مانهاب العاديات انچان وادي كربله سجّل فخر=هذا منّك من سگيته من النحر ولون خان الدهر ويّاك وغدر=لاكن اسمك يظل عنوان الثبات انچانك ظامي گضيت ويلتهب=چبدك ونيران باحشائك تشب انچانهم حرموك من ماي العذب=هذا دمع الشيعه الك اعذب فرات لو صدگ ماعرفتك ذيچ الزمر=صرت صرخه اليوم بعقول البشر حيّرت يحسين ارباب الفِكَر=لمّن افديت العدل بأطهر ذوات حين بالطف دمّك الطاهر نزف =وانذبح فوگ الثَرَه اطهر سلف ارسمت ملحمة الفده وهيّه الشرف=انخطّت بذيچ الدماء الزاكيات لوبچت سكانها الارض وسمه=عيونها مِنْ البچي تصاب بعمه قط فلا توفي إلك قطرة دمه=وحتى لو ذابت جميع الكائنات ولو نصبنه مأتمك طول الدهور=ننحب ونلطم ونْجَرْح الصدور شيطفي جمر احزانّه بذيچ النحور=اشما ندبنه وشاطرتنه النادبات