ما همنه الذبح نمشي ابطريق احسين = و نعرف باليضده امذبِّح اهوايه كل عام اليمر تتكاثر الزوار = و تطلگ كربله و تجيب مشايه رغم انف النواصب نظل متمسكين =و ابعين اليضده انصير سلايه رايه ابكربله ناشرها چف عباس=و ابچف اليزوره اترفرف الرايه امن ٱسم الموت يرجف لليلاگي الموت =بس شيعة علي للموت شرايه گالو تنذبح لَتزور گبر احسين = و خلوا عالمسير الاف رمايه گلت اشلون اخاف و انه بن عاشور =و حيدر و الزچيه اوياي حمايه آيه احسين ألله امنزله الهالناس =و اعمه المايشوف ابعينه هل ايه يوم اولاد هندٍ دنسوا هالدين =راد الدين تچوه و صار تچایه لومه احسين محد عبد الله اليوم = و ما چان المساجد تحوي صلايه يغافل روح ابعد ما أوالي ايزيد = و أنا ابعاشور صرت ابين نعايه حب احسين دمي اليسري بالشريان = و نظل لاخر نفس لحسين وفايه يالامعاند انصحك و انت حر ابهاي = ترفض لوله تقبل مني الاحچايه لتحاول ابد منساوم اعله احسين =تعبك يفشل و ما توصل الغايه شرينه ابدمنه خايب حبنه لهل البيت =اشلون اتريد منه انبيعلك هايه ابولايتهم الباري امآمر المخلوگ =و اكمل دين طاها ابهاي الولايه