محب ناده الحبيب =أريدك لا تغيب أحسب وأعد باجر حلم عمري أشوفك=يمته يشع سيف الولي ضيه ابجفوفك كعبة عشك وشوك المهج تسعه وتطوفك=مل الصبر وغيم الهجر تفرض كسوفك صدح صوت وغريب= أريدك لا تغيب ماج وطفح وبينه اكتسح بحر الظلامه=عهد انبنه تصبح أمل كل اليتامه يالمنتظر لابد تجي اتعيد الزعامه=ليك اشتكي عن عاذلي يجرح كلامه حجه و لابد يخيب =أريدك لا تغيب لا تعتقد ظني فند وغايب ولينه=شوف المحب لمن يكع تسمع ونينه وكت الشدد أرجع ندب يالمهدي لينه=نطلب مدد وغيرك فلا تنظرنه عينه دواءك يا طبيب= أريدك لا تغيب ثار السبط دمه هتف يالمهدي ثاري=طول الدهر اشكد انتظر ليلي و نهاري هالعلكمي مايه استمر من دمي جاري =ما تنتفض خل تنطفي يوليدي ناري هتف نحر السليب= أريدك لا تغيب جفن الحزن لجلك شبح صبح و مسيه=ما ظن خمد نار الجرح من هالرزيه من تستمع صوت الشمر بالغاضريه=سلبوا الخدر وفوك الهزل زينب سيبه حزن عمتك نصيب= أريدك لا تغيب بين السمه تشرق شمس وعدك يغايب=رب العله بيها ختم حكم النواصب كل شيعتك تتأمّلك لجيتك تراقب=ابدمع المنى نتوسّلك يبن الأطايب لندانه تستجيب =أريدك لا تغيب