احاديث الحزن يرويهه دمع العين = واليرويه الك صوت الدمع صادق لان من المشاعر تنبع الدمعات = وهيه الخلت لسان الدمع ناطق الدمع صامت ابذاته ولفظه مو جلمات= أحاسيس وصور للفاهم الحاذق فضح سر المصيبة البيه جان يلوج = وأسرار المصيبه اتزلزل الشاهق رسم صورة جرح نابض بكلبي سنين = ويصرخ يا مصيبة جعفر الصادق يا جعفر الصادق إنت إنت الدين = وانت في سماء المعرفه شارق قسم بالتين والزيتون وبياسين = قسم بالواقعة والطور و الطارق الحك صوته اختفه ولولاك دينك مات = وباسمك باقي نبضه لهالوكت خافق الحك وياك عاش وانت عشت اوياه = وخصمك مع الباطل مندحر زاهق على كرسي الحكم لاهث فتح عيناه = يريد يكون هوه الاول السابق خذت عقله القصور وغرته الاموال = مثل ما يحمل اثقال الذهب ناهق فتح سوق الضمائر بابخس الاثمان = وتحت عرشه ارتمه كل كاذب و مارق بسم الله فتحوا جامعة ابليس =وبثوا بين هالعالم فكر غاسق بحر من الدجل روجه انحدر طوفان = وانت ابعصه الحكمه لهالبحر فالق همّه ايلوّثون افكار هاي الناس = وانت ابجلمه منك تصنع الفارق يا رحمة إله الكون للأجيال = واليتّبع نهجك بالركب لاحق ابسبب هاي الفضائل شانئك عاداك = اوصنع من حقده سم وسمك الفاسق