(موکل باب يندگ)
موکل باب يندگ يسوه دگت الباب=ولا کلمن تزوره ايحيي زواره
بيهم باب بيته ايسده لمن ضيف=يتعنه العتبته و شابح انظاره
انه واحد چهبته و دنگيت الراس=و کشَفت الجروح الما لهن چاره
عاين عله اجروحي و شاف کلي اهموم=شال اجروح جسمي و حطهن ابداره
يگضي اليوم قائم بالصلاء و الصوم= و يشيل افطوره بيده ايوزعه الجاره
توصف بالشجاعه الما يفر فد يوم=کرار و جيوش الغير فراره
لاوي اچفوف مرحب و بن ود اويا=و علمهه الشجاعه ابقوص فقاره
صلب مثل الجبل من يدخل الميدان=و من ينظر يتيم اعيونه مدراره
يسد عين الشمس لمن يشمر اضراع=و عون الکل فقير و فاگد اخياره
يالتطلب الحاجه و رايد اليگضيک=ادليک ابنجفنه و صيته و اخباره
تعنه الحيدره و لتگول شنهي اتريد=يعلم باليچهبه و عارف اسراره
بس حيدر علي من يعتني خطار=يشگ باب الگبر و يلگي خطاره
الشاعر عبدالحسين الباوي
عــــدد الأبـيـات
12
عدد المشاهدات
1500
تاريخ الإضافة
17/08/2013
وقـــت الإضــافــة
7:16 صباحاً