يالمسموم زينب آخر علامه= يالمسموم ننطر ومضة حسامه أيامه أذا ربنه أمر بيها= أوّل ثوره بأرض الشام يبديها أي واللي ابكنز عرشه حفظ جوهر سجاياك=ما ظن سيدي كل الجره و الصار يخفاك و يم أعتابك الأحباب ساعة فرج تنخاك =شبلك يمته سيفه يذبح ابروس الخنه أعداك غايب وابغيابه الدهر بينه صار فتّاك=واللي يمتلك غيره ابزمنه ذاك من ذاك باب امراد يمك نشكي المشاكل= باب امراد نعرف ما ترد سائل ابجاهك طلعته ايعجّل لياليها= أول ثوره برض الشام يبديها لو دار الفلك نحسب ظهرت اشجم علامه=وانكول أقترب يوم الذي اتعيد الزعامه ونسمع صوت روح القدس يهتف بالأمامه=عرش الظلم يا وكت الذي تعلن ختامه يبن الحسن يمته تمسح ادموع اليتامه=وشمس العدل تشرق تنهي كابوس الظلامه. يالموعود صبر أيوب صبرك=يالموعود و مرقد زينب يخبرك أبن أزياد جيشه ايريد يسبيها= أول ثوره بأرض الشام يبديها عينك تنظر اجيوش و عساكر عالعقيله=وسلّت حقدها و هل مرّه للمرقد تزيله ويرجع نفسه أبن جوشن يصب عالحرّه ويله=ابسوطه ايريد مرتين المتن بالدم يسيله وكصده لو ضربها احسين يتلوّع دليله=والمرقد يناشد عن لوائه و عن كفيله أمسى وين يندب صوت المراقد=أمسى وين عمتك زينب تناشد يمته بيدك الرايه أصد ليها= أول ثوره بأرض الشام يبديها ترضاها زمان الطف عليه ايعود يبني= وبعيوني أشوفن نفسه ذاك اللي ضربني وجف بخيامي يحركها و جف ثاني سلبني= وعالشاطي جفيلي اهناك حشّمته و عذرني ظليت ابغربتي لمن الكافل تركني=وآنه ابعازتك أنظر رجع جمال ظعني لو موجود يمها العباس يوصل =لو موجود بعيونه الغضب يزعل أرض الشام تهتز لو حضر بيها= أول ثوره بأرض الشام يبديها أم أخوتها جم مره هضم يجرع صبرها=مره عذرت العباس بعد المن عذرها واتريد النواصب تنظر زينب و تحفر كبرها=وآنه ما أظن محتاره والمهدي حضرها وعالكبه نصب راية وفه لزينب يسرها=يكلها من بعد عباس بيده أصبح أمرها من عباس جود وسيف ورثته=من عباس درع الغيره لبسته وحملات الوصي ابحملاتي أحييها= أول ثوره بأرض الشام يبديها