من أ ذَّن بلال ابصوت= منَّه اشچانت النَبره و كلما يصعد ايأ ذِّن ايهيِّج لوعة الزهره * * * بلال المُخلص الطيِّب= ابعهْد المصطفى ايأذِّن منّ الهادي تعيينه= و صوته البلأذان ايرِّن كل الناس من تسمع= اتلبِّي الدعوه من يعلِن و بعْد الهادي هالحاله= صفت يا وسفه متغيْره * * * من يتشهَّد و يذكر= رسول الأمَّه و بإسمه تصعد لوعة الزهره= حيث ابگفده متألْمه تهتف حاضر ابإسمه= و حيف امغيَّب ابرسمه أبوي الهادي متغيِّب= و بيَّه الدنيه مفترَّه * * * افترَّت بالبتول و صار= وضعها ايفسِّر المرمَر بلال اتوقَّف و ما راد =بنت الهادي تتأثّر لكن فاطمه طلْبَت= يعود ايأ ذِّن ويجهَر صعد للمأذنه ايأذِّن= و بيه اتخالِج العبره * * * هلَّل كبَّر وصوته= ابشهاده الثانيه اتردَّد بِسم المُرسل الهادي= اشلون ابإسمه يتشهَّد منِّ الواجب يشهد أن= محمَّد مُرسَل الأوحَد يدري الزهرا ما تگدر= يجيب المصطفى ابذِكره * * * جاب اسم النبي الأمجد= و حسرة فاطمه انفجرَت سمعت إسِم والدها= و بهالحاله ما ﮔدرَت =ابصيحة فاﮔده صاحت و كلمن ينظر الموقف= يگول ارتحلت ابحسره * * * صاحوا يا بلال انزل= صوتك بالعجل ﮔطعه عجيبه اشلون ما تدري= بنت المصطفى اتسمعه إرحم حالة الزهر=ه و بعْد اليوم مترفعه نزل واتعنَّه يتعذَّر= للزهره و بده عذره * * * يا سَيْدَة نساء الكون= أريدنّچ تعِذريني ما ريد الچم احزانچ= و لا رايح تِسمْعيني لن المصطفى صرَّح= الياذي الزهره ياذيني و عن طيبه نويت ارحل= و صعبه اعليَّه هالهجره * * * ترك طيبه و رحَل للشام =و من يذكرها يتحسَّر چان ابمنزل الهادي= واهلها ابطِيبة المعشَر صار ايلاوم ابروحه =من يوم الذي هاجَر لٰكن بالمنام اششاف= فرِد ليله وبعد فتره * * * شاف المصطفى بالنوم= يﮕلَّه اشبعَّدك يبلال عفِت طيبه ورحِت عنها= و ﮔلبك بالحِزِن لا زال بنتي الزهره هاجِرها= و ليش امطوِّل الآمال فز من نومه چالمفزوع= ابرؤيه الضيِّﮕت صدره * * * ابنفس اللحظه شد ارحال= رجع لرض المدينه ايجِد وصلها و قرَّر ابنفسه= أوَّل ما إله يگصِد يدِگ باب الزچيَّه ايروح= و عنّ الطاهره ينشِد وصل شاف الحسن واحسين= وسافه ابروح منكسره * * * شافوه و جِرَوا الدموع= و ﮔالوله احنه ننتظرَك گال استأذنولي امكم = ردَّوا يبلال انخبرَك ماتت أمنه وارتحلت= و الله ايعظّم ابأجرَك صاح ابصيحة المذهول= و ظل بس يهمِل العبره * * * على الزهره نصب حزنه= لنَّه اتذكَّر الأسباب من آذوها ذيﭻ الناس= الچانت تدِّعي أصحاب منهُم شافت الآلام= من عصرتها خلف الباب اتبرَّه امن الذي هجموا =عليها و حگه يتبرَّه * * * ٢٠٠٩