الطاهرة الزهراء ________________________________________ مِصْطفِي الزهره الجليل و طاهره من كل دنَس= بيها أسرار الإمامه تكفي لو دارس درَس آية التطهير نزلَت من إلٰٓه العالَمين= بيها أسرار الإمامه و ورِث كل المُرسَلين اليعتقِد هاذي الحقيقه هاذه منّ العارفِين= و الّذي امدوهَن و حاير فكره باﻵيه التبَس هالشرف خَص الزچيّه و ما سِواها نالِته= فاطمه بضعة محمّد سرها ويْ سر هل أته آية الباري تجلّت يوم نزّل آيته= الما يشاهدها ايتعامه لو نظر گلبه انفگس الهادي لمّن قره الآيه البعَض منها استبشرَت= وبعَض من شِدّة حقِدهُم على الزهره استنكرَت اتأرّخَت هالحاله كلها و ابسَنَدها اتواترَت= وشفنه منهو ابتشَر وجهه ومنهو للهادي عبَس ظهرَت ابيوم السقيفه ومخفي باطنها انكشَف= يدّعون اهما جواهر و الحقيقه اهما صدَف هذه ساس اهل الخديعه اليتّبِع أهل السلَف= و الخلف ضايع و تايه لنّه من ساسه اقتبَس المظهر ابدين الرسول و تبتطِن دين اليهود= اشلون أمّه اتجازي هاديها و تقابِل بالجُحود جحْدَت و جافَت نَبيها و كل فرِد منهُم حقود= مثلْما ثانيهُم انكر إلىٰ اﻷوّل من همَس هِمَسله ابإذنه يهجمون اعله بيت الطاهره= على البيعه الزوم ينزلّك و يرضَخ حيدَره هجمَوا ابأزﻻمهُم بالهجمه واشصار و جَره= الطاغي واشسوّه بالزهره بيها خلْف الباب حَس گام يعصرها و دفعها ابلا رحَم لمّن دفَع= واگفه حَسْها بعَدها و رفَس بالباب و سمَع اتنادي محسِن گوم لحگه يا علي مِنِّي وگع= اتهشِّمت ياعلي اضلوعي بصدري مسمارانغرَس من بعَد هاي الجريمه منهُم اشيحصَل أشَد= المحسِن اتلحّد ترايب ما اتدورَج بالمهَد يبگه ثاره و ثار أُمَّه الطاهره اليوم الوعد= و الدهر يردِف رزايه و مستمر ما گال بَس يا دهر أوّل مصيبه ابيوم غيّبْت الرسول= و بَعْده وجّهْت النوايب علىٰ المظلومه البتول كل مآسيها و حزنها ما تروح و ﻻ تزول= الها كل شيعي ينادي گلبي للزهره انحمَس اشلون ما ينْحمِس گلبه على الزهره و للذبيح= يا غريب اينادي ينحَب دمعته ابخدّه تسيح و يذْكُر احسين ابرضيعه إسگو هالظامي يصيح= سهم جاله وحز وريده وسكن من عنده النفَس سكَن وَنّ الطفِل بيده امن السهم حز رگبِته= طفِل سِتْ اشهور عمره ابلا ذنِب و اشجرمِته اتحيّر احسين ابرضيعه بيه زادت حيرِته= لمّا حط ايده اعله صدره ابلانبَض منّه هجَس اشلون يرجع بيه لامّه للرباب الناطره= ابسيفه هيّأله حَفيره و لحّده ابوسْط الثره نفِس هالحاله بالمحسِن من سگط و اتذكّره= منظر المحسن تجدّد يوم عاشور انعكَس * * *