روح الله وياك= دهرك يبني ما يرحم وأدريها دنياك =اتريدك بالسهم تفطم يبني كبل متروح= وياك أخذ هالروح روح الله وياك يعبدالله أناديك آنه أمك = عبيرك كل وكت أشتم و أضمك عطش كلبك فلا يرحم يألمك= وخضع أمره و فرض للموت أسلمك وأبن كاهل سحب بالقوس سهمك= يفصّل طوك من ينبوع دمك مرسومه هاليوم أنظر منحرك دامي=تنذبح مظلوم بحضان الأبو ضامي وادماك سيل اتفوح= وياك أخذ هالروح روح الله وياك رحت عني و دمع عيني تفجّر= أو وراك أصرخ عليه لتّأخّر على افراكك ييمه اشلون أصبر = وشبه الطير روحي اعليك تفتر أمل مشبوح ألم صرت آنه أنظر= ومهدك اويايه لحظه لحظه ينطر يا ساكن الروح =نار الروح متوجره أصبر وأتانيك= وسامر روحي بالحسره دمع الجفن مسفوح =وياك أخذ هالروح روح الله وياك أنه ادري ما ترد اردود سالم=وإلى مهد المنايا اتعود نايم شنو ذنبك عدوك صار حاكم= ظليمه واشتكي لرب العوالم اعله فكدك كلبي بالأحزان هايم= عساني لا عشت والعمر دايم بعيونك اوداع =راحل يالولد عني وإرباي هالضاع =لمن نجمه فاركني ابفكده الكلب مجروح= وياك أخذ هالروح روح الله وياك أذا شمسك وجه فجرك تغادر= وأذا نورك غده ابعيني ايتناثر تظل روحي حزينه ابهمها أكابر= و نجوم السهر من ليلي تهاجر و بيابي العين دم و ماي هادر= و حياتي اتصير ما بين الخواطر مثل الأبو احسين= جنحي انكسر من فكدك يالعمرك اشهور =يجويني لهب جبدك والمحنه رايه اتلوح= وياك أخذ هالروح روح الله وياك يسهم الغدر ابيا حقد مخفي= ابضغينه ومكر تاخذ روح ولفي كبل شينك عسه لافيني حتفي= عليله ابجرحي و الهم صار وصفي نضب مايه و تبدّه ابيّن جفي= بغيابه الفكر بوهامه ملفي كل لحظه واتعود= ذكره ذكره أيامك يا أجمل اطياف =اتمر بالبال أحلامك وطيف النحر مذبوح =وياك أخذ هالروح روح الله وياك رويتك كل حنان و طيب يبني=وكمت أرسم حلم آمالي وابني تعيني ابكبري لو وكته يذبني= وبالطف تبتعد آمالي عني نبلة حرمله اتفرهدك مني = وطبع بالدنيه حبل الشمل تفني عالكاع منضام =و حلم العمر ودعّني وبس حسره وآلام= من فركاك دوهّني وابكلبي منه اجروح= وياك أخذ هالروح روح الله وياك