والله ماغاب = طيف الاحباب وانظر ابعين الامل يرجع اليه خبر يابويه أخبرك حالتي من ودعتني الاجل يا ريته أخذني ولا أشوفك فاركتني من رحت للموت احس ابفركتك نار احركتني وابجوادك علّكتها الروح من شفتك عفتني عني امشيت= وآنه حنيت وانتخي يابويه لا تبعد عليه لا أشاره عن رجوعك لاخبر منك لفاني من غبيتك كل مرامي الهم وسط جبدي رماني محنة الغربه وسبي اعداك وغدر دهري وزماني لليسر سار الظعن والكلب خلّيته ابمجاني ايخبرك ايريد= راحله ابعيد كوّه هالظلام مشوني سبيه لوعتي وهمي تسجّر من لظى جمرة حنيني كل بدر راسه انرفع فوك الرمح واتنظره عيني وعنك اتلفّت و أدوّر عن يساري و عن يميني حته طير الدوح ظل يبجي اعله حس نوحي و ونيني روحي اتلوب =امضيعه محبوب كمت ادوّر راسك ابيا سمهريه من وصلنه للخرابه وابتدت قصة محنها تشهد اعليه الليالي عيني ما طبكت جفنها لني ليله وغفت عيني من ثكل مجرى حزنها ابعالم الرؤيا شفت رؤيا ترد روحي لوسنها انظر اهلال= و نوره ايلال الوالد آنه احسين صوته يارقيه ابلاوعي وتفكير اجيت ويهل بالخد دمع عيناي خلص صبري وصار شوكي مثل شوك الزرع للماي عالوعد احسب واراقب وانتظر والنار بحشاي وتالي موعدنه ابحلم نتلاكه لاما حسّبت هاي حين فزيت =بويه ناديت رحت عني وين مو جنه سويه بالبواجي اهتز خراب الظلم واسباب الاذيه من سمعني الطاغي اونن ارسلي طشت الرزيه كشّفوا عنه واشاهد راس ابن خير البريه ياهله ابجيتك يغالي طالت الغيبه عليه نحره مذبوح= قبلة الروح حضنت الراس وخذت روحي المنيه