ينسمِع مِنّ الزچيَّه اونينها=و اعله ونّتها الجليل ايعينها تنسمِع ونّة حزِن من كل كتُر=ونّة اﻵه البگت ما تنطمُر صوت مظلومه و تحلّت بالصبُر=الله ألهمها ابجلَد تمكينها ونّت و ونّتها مصحوبه ابغضَب=عالِّذي لمّوا على الباب الحطَب لو على الحگ الذي منها انغصَب=صرخه بالونّه اصبحت تضمينها ونّه تتضمّن مصايب ما تزول=و الجرت و اتسلسلَت بعْد الرسول ساعد الله الطاهره البضعه البتول=من إجتها اللّطمه صابت عينها ابعينها اللّطمه اﻹجت و اتمركزَت=و السبب منّ العليها اتعمِّدَت هلِّي آذوها ابكسرها اتسبِّبَت=من إجوها الدارها امروعينها روِّعوها و لوّعوها ابلا رحَم=وحگها من يوم السقيفه امن انهضَم من إجاها الطاغي يا جُرمه جرَم=ابجرمته تشهد عليه ضلعينها اشعدهم اتعنّوها و اهيه الطاهره=و توها لفراگ النبي متأثِّره يا وسافه الصحبه طلعت غادره=و ابغدرهم راحوا امآذينها تبگه هالصرخه إلى يوم الحشُر=صوت محزون و ثگب بيه الجمُر ليش ما نعرف وِسافه الها گبُر=ابحيره شيعتها و تدوِّر وينها اتدوّر المرقد و ﻻ عدها علِم=وين مدفونه و جرحها ينلچِم هالمصاب ابجبهة الحگ ينرسِم=صورة الضلعين ويّه اجنينها اجنينها الطاح و تخذّم بالعتب=محسن المهضوم آه اليا سبب اشجرمته و بأمره بيه كل العجَب=بينهم و اشعدهم و ما بينها عدهم الحقْد الدفين الِّي مضه=الها السبب لمّن إجت متعرِّضه ضد علي اتسمِّيه إمام الرافضه=اتريد تتشفّه و اتصفِّي دينها والله ماعدهم احگوگ وإلها دَين=زمرة الغصْبَت أمير المؤمنين الله يلعن هَلِّي جوها و الثنين=الهادي بعده و ساعده امنصبينها نصّبوا بيها الخليفه ابيا شرع=و النتيجه طلعوا ابكسْر الضلِع كل فرِد منهم المستطمع جشِع=و السقيفه الهالأمُر تعيينها ومن بعَد نصْب الخليفه اتسلسلت=الشدد و الآﻻم كلها اترادفت زمرة اهل الشر بعدها مكتفَت=راح ابيِّن و اسمَع ابتبيينها إحنه لمَّن نبتدي ابكسْر الضلِع=كل رزيّه الجرَت منّه تفترع هذه واقع مو تَجَنّي و نبتدع=ابحيدره و الطاهره و ابنينها بعَد ما هشِّمَوا ضلْع الطاهره=للرسول اعتنت تشكيله الجره اتگله جيتك و الضلوع امكسِّره=و تشتكي السوط الشِجَر متنينها