أبو فاضل صاح حي على القتال = اليوم أروي المشرعه بدم الرجال ولو نزف دمي الزلال= سور يصبح للعيال أبو فاضل صاح حي على القتال اه يا كبش الكتيبه= وسورهه ورافع لواهه يا أخو الحريه والطف= ويا ضوة الدنيا وسناهه عينك لهسا مخيم = كعدت الدنيا بذراهه وخيالك المثلك شهم= نقطة ضعف كل الزلم لا حاشا مو نقطه نجم= بنوره عالدنيا اتباهه الظلمه خافت للضوة انت العجيد= وره اسمه يلوذ من عندك يزيد من سمع شخصك حضر=بكربله ماظل نهر أبو فاضل صاح حي على القتال محمله عيونك أمانه= بركبك أتسير بضعونك وصتك امك بزينب=كالت اتحطهه بجفونك يمه بالطف انصبلهه=خيمه من دمعة عيونك يا يمه يل هامك سمه=لتعوف زينب بالضمه ولحسين صير مخيمه= واذبح الدنيا التخونك تحلفك امك يبن حماي الحمه= يمه بدماك ارد أوافي فاطمه يمه أوافيها بدماك=وكون يخبرني لواك أبو فاضل صاح حي على القتال ومن طلع مصباح عاشر= العطش بالاطفال أذن ومن سمع عباس سكنه= الغضب من متونه دخن عمي يا ساقي العطاشه= العطش بينه توطن جند يساره ويمنته= وخاف النهر من جربته لحسين وجه خطوته= كله اريد جروحي يشفن انت اخوي وجيشي وحزام الظهر= حسين كله وانت نور البلنظر وجفن ابو اليمه دمع= والكمر لمن سمع أبو فاضل صاح حي على القتال ومن وصل ليث الشريعه= للنهر والنهر خايف النهر كام على حيله= يرجف بنبرة سوالف سيدي ما أشرتلي= للخيام أتعنه زاحف وأبتسم عباس الكمر=ودنك على جفه النهر مولاي ما حس بالخطر= جي بسدك اني واكف وراد يشرب ماي أبو فاضل وكال=أشلون اشرب والعطش مض بالعيال أقسم بربي الصمد=ما اضوكنك أبد أبو فاضل صاح حي على القتال ألتمت اجزاء الخيانه = بجيش خالي من الشجاعه لابدين بذل خزيهم= وبسهم ينكطع فضاعه صوبوا جربته الحرة= وصوبوا عينه وذ راعه وعباس يزأر بالصبر=وصوبوا جفينه بغدر وهامته لوعهه الطبر=والكمر دم بشعاعه طاح ابو فاضل جبل عالارض طاح=ادركني يحسين بعلات الصوت صاح وابو اليمه أتعنه اله = وسمعته كل كربله أبو فاضل صاح حي على القتال