گمر هاشم نشر بيده رايته=و كرّة الكرّار چانت كرِّته من نزل للمشرعه و بيده العلم=طلع يملي الجود و ايرد للخيم مو عجب منّ الگمر راعي الشيم=ايلبِّي نخوة سكنه لمّن نخِّته حمل جوده و گصد صوب المشرعه=مَملي رايد للعطاشه ايرجِّعه و كل طفل عطشان صعبه يسمعه=و ما يلبِّيله الطلب مو شيمته ابن حمّاي الحمه ابوكْت الشدَد=من يواعد أبد ما يخلف وعد راعي غيره و للنهر شد و گصَد=آنه سگاي العطاشه صيحته ناده آنه اروي العطاشه ابيمنتي=آنه كافلها و جبتها ابذمِّتي و آنه ما أرويها مو من شيمتي = و بعده عبّاس الغيور ابشيمته حمل جوده و رايته و طَب للنهر=و يرتجز آنه احمي ابن سيْد البشر و آنه أروي اعياله من حگي الفخر=مثل حيدر بالمﻻحم شمرته فرّق اجيوش العده اشمال و يمين=و العساكر غدَت كلها امتيِّهين حيدر الكرّار منّه اتروح وين= گمر هاشم علي چنّه ابصولته هَمّه بالگربه يوصّل للخيم = صرخ آنه الگمر عبّاس اﻷشم و اليجابلني أجعله چالعدَم = و الّذي يمنعني هذي ساعته آه لٰكن غدْرَوا اصحاب الغدُر = اتولّوا العبّاس بالطعْن و طبُر و يا وسَف من طاح من ظهْر المهُر = اچفوفه طاحن و العمَد طر هامته