خلِّيني مرمي اعله النهر= يا خويه يحسين مگطوعه چفّيني= و طفّه السهم عيني يا خويه يحسين لمَّن طاح راعي الغيره و الإيثار= راعي المرجله ضنوة علي الكرّار ناده ابصوته يا شبل النبي المُختار= سلامي اعليك طايح آنه بين اشرار گصد ليه الغريب و دمعه ظل عبَّار= عضيده ابلا يمين و لا بگتله ايسار و الهامه مفضوخه ابعمد= و سهم الطفه العين و اينادي ابن حيدر= بيَّه العمَد أثَّر يا خويه يحسين أبو اليمَّه سمع هالصوت وايريده= فزعله وحگه لنَّه الطايح اعضيده رمه ابنفسه مثل صَگر اللِّگط صيده= راد ايحمله للصيوان و ايعيده و گله إنته يعبّاس الجيشي اعميده= تضعضع ركني محَّد غيرك ايشيده و الرايه يمَّك طايحه= و ابلايه چفّين جاوب أنه ابزودي= كل هذه مجهودي يا خويه يحسين اخو واعضيده يم المشرعه ابيا حال= راد ايحمله لكن للغريب اشگال يخويه ارجاك تتركني على لرمال= تدري امواعد اسكينه وبعد الاطفال أجيب الماي إلهم والقدر هالحال= صعب أرجع بدون الگربه و المَي سال و لو سايلوني بالخيم =وين الوعد وين يا عمنه وين الماي =شنهو جوابي ابهاي يا خويه يحسين هل دمعه الغريب و أيَّس الظِنَّه= اخو وفَّاي غيور و نبْع المحنَّه وسافه اعلى الأرض و الدَّم نزف منَّه= صاح ابحسرته و منَّه عِلَت ونَّه گمر واتناثر و يصَعَب ألِمَّنَّه= انكسر ظهري يخويه و بيش اجبرنَّه گلبي مثل راسك صفه= اتصدَّع لي نصّين رد الگمر مهموم= حيف القدَر محتوم يا خويه يحسين يبو اليمَّه العقيله اهناك منتظره= رد الها أحلفك بامَّك الزهره آنه اتكفَّلِت والِّي يدگ صدره= وجوب اعليه يوافي و للعهد يبره كفيلچ گلها لا يمنه و لا يسره= عذر مني و حشه اتعاتبني الحُرَّه و اعهودي بيها اتكفَّلِت= واهيه عَلَي دين خبِّرها بالميدان= طايح بلا ذرعان يا خويه يحسين رَد اعليه أبو اليمَّه و جذب حسره= يخويه اختك خدرها انته إله تبره و هيَّه الردِّتك متأمْله مبتشره= الكفلها اشلون اخبِّرها انگضه عمره يمّ المشرعه و حيف انخسف بدره= صريع ورايته المتلفلفه ابكتره و آنه بگيت ابحيرتي= و ما عندي امعين يا خويه شخبرها= و جيْتك تناطرها يا خويه يحسين گام احسين منَّه و منحني ظهره= للعبّاس نوبه و زيينب النظره ظل محتار وسفه ايگلب ابفكره= آيا گلب ابو اليمَّه اشكثر صبره اتلگته العقيله وسألت ابعبره= كفيلي وينه يمته ايرد لي منتظره يرجع كفيلي أنتظر= ما رد لي للحين و ديني شكَّايه= يم راعي الرايه يا خويه يحسين