انه أمك يجاسم = لا تخفي عليَّه هذا اليوم عرسك= لو يوم المنيّه رفَّت عيني يبني = وانه الحنه بيدي او گلبي هاللّكَدني = يالتسري ابوريدي گلت اشظام وكتي = او ياعمله العِمَلْتي عُگب الشيب خِبْتي = رمله اشهَل البليه يراعي الشيمه گلّي = ونته ابْن المْشَيَّم اشعدهه الگوم هاليوم = حاطت بالمخيم يجاسم گلبي داري = يوم العفت داري يلچمْني وداري = دَرب الغاضريَّه اخاف اتروح عني = وخاف اتگلي روحي أردإلْمَن يجاسم = اتريداوْياك روحي عندك روحي سَلْها = خوفي اعليك سَلْها اشلون ايصير سَلْها = او روحك روحي هيَّه جَدِّيني يَشوفي = أوْلا تُطْفه يَشَمْعي رمش العين انته = او هل إعْليك دمعي يجاسم لاتذبني = اخلافك مِن يلِمْني وانه الكُبُر خَذني = او ياهو إخْلاف إليَّه حَگْ يَبْني طَلَبْتَه = إرْخُصْلي يغالي جيت اوياك اباريك = باريني يَوالي إذا عالفُرگه يبني = ابوسط الچفن حطني أوْ بيدك گوم لفني = او عوف الموت اليه هاذا الجِزَه مِنَّك = ردْتَك ماردِتْني يجاسم والرِّبَه ذاك = تلعَب فوگ مَتْني اشعندي من بِدالك = وانه اتربه جالك اشلون اطاك حالك = تعوف امك سِبِيَّه أسْمَع بالفَلا ويد = موش إبعيد عني ظنها الزفتك هاي = لو هالخاب ظني هاي الناس حاطت = او داير حبل دارت روحي اتخاف صارت = اعليك ابهل مسيَّه إتْلوگ اعليك ادري = لامَتْ حَرُب بيدك لاچِن لا يَجاسم = بِتْ عمَّك تريدك الليله اَنْصُب الحوفه = او صَحْن الحنه ادوفه اوعرسك يَبْني أشوفه = وَطِش الواهْلِيَّه