بالطف انذبح عطشان عالغبره بلا اكفان عندك علم وشصار ببنك يحامي الجار ****** عزيز الزهره ابو السجاد وريحانة النبي المختار بارض الطف صبح وحده وحاطته الاشرار فدا للدين كل اهله وقدم طفل وانصار هذا حسين وبدم نحره فتح بوابة الاحرار للذله مارفت عينه هذا البطل ابو سكينه يحيدر وهاي الاخبار شاهدها الرب القهار عندك علم وشصار ببنك يحامي الجار ****** ابو الغيره حسين ومن مكه صرح وكرر خروجي ضد يزيد لكي انهى عن المنكر وبالمعروف أأمر واتبع لوصية ابو شبر لدين جدي راح افديه وخل جسمي يتوذر وابكربلا البدايه هناك وتشهد شهب الافلاك يحيدر وهذا الايثار للابد يبقى تذكار عندك علم وشصار ببنك يحامي الجار ****** بحر العطش يريدون يثنوني قوم الكفار ما يدرون انه ابويه انته علي الكرار دحيت الوثن بسيفك المعروف بذو الفقار من الموت ما اهاب وهمي رضا ربي الجبار للحق امضي واطالب وضد الظلم احارب خل دمي يجري انهار ويروي بيض الاشفار عندك علم وشصار ببنك يحامي الجار ****** ثورتي الصارت مفتاح لكل احرار الناس بيها يهتدى وتظل ساميه وللعدل مقياس والوفا فيها منوصف بخويه ابو الفضل عباس ساقي الماي وبجوده قدم كفوفه وعينه والراس بالوفا عباس موصوف ضحى بعين وكفوف يم النهر طاحت اقمار لهدنيا هيه الانوار عندك علم وشصار ببنك يحامي الجار ****** يحيدر ومن طحت من فوق الميمون وحرارة سهم المثلث حجبت نظر العيون الشمر تعنى لي وبحقده الشيطاني مشحون وانا احاتي وضع الخدر بعدي كيف يكون يظن بصورة ذبحي يطفى وهج صبحي الشمر ناصبي جبار بفعله افجع المختار عندك علم وشصار ببنك يحامي الجار ****** راسي من على راس الرمح لمن نصبوه وجسمي عالترب ثلاث ايام عاري خلوه وضعن السبايا للطاغيه بيا ذنب ودوه بلا انسانيه لا رحمه راسي بالطشت حطوه ماكفاهم قطع الراس هم ارجاس الناس ملتفه اعله راسي الانظار وزينب تنادي يا كرار عندك علم وشصار ببنك يحامي الجار ****** بالشهاده بيوم المحشر راح اقابل هناك ربي وعن هالظلامه راح اشتكي وهو حسبي انا حسين ريحانة حبيبك انقتل شنهو ذنبي بس لان ابويه حيدر وفاطمة الزهراء امي للباري سلمت امري وتشهد كل دما نحري مصابي مثله ما صار رحماك ربي يا غفار عندك علم وشصار ببنك يحامي الجار ******