من الگظاها بجمع ماله وعدّده= اخذ حكمه وشوف ربّه اشواعده يالتلم اسنينك أموال وذهب= من تمر هالآيه تقراها بكثب انته تجمع بيدك النارك حطب= والله حاشه وياك يخلف موعده يالسعيت اسنينك اتزود الرصيد= وتگظي ليلك تحسب وترجع تعيد مانفع قارون گبلك والرشيد = والمثلهم بالسعير امخلّده اتخبرك الآيه انزلت بأعظم أمر= هاذي الأموال السعيتلها العمر إلك تحضر بالحشر نار وجمر = وتحتويك التِطِّلِعْ عالأفئده المال مينفعك لعد نشر الكتاب =ينگلب ضدّك اذا حل الحساب عنه للباري اشتحضّر من جواب =وانته عمرك بيه كلّه امبدّده واضحه الآيه وجليّه ومحكمه = سلطة الأموال سلطه واهمه اتگودك بحبل المسد للحاطمه = وهذا منزل ماكو شك بمسنده اخذ من هالآيه موقف واستنير =وانطي حق الله وتكرَّم عالفقير اتعيش دنيه وأخره بملكك أمير = وتشتري بيها الجنان المسعده اختبار المال بالدنيه عظيم = الله حين انطاك من چفّه الكريم شلون انته اتصير طمّاع ولئيم = وبيه دَين ولازم انته اتسدّده اخذ من هالآيه يالمؤمن درس = إكرم ولاتتبع أهواء النفس للزكاة انطيها وانطيه الخمس= اتردلك أضعاف وشفيعه امأكده استثمر الأموال دنيه وأخره = وتاجر الدارين بيهن مفخره ايسحله والله النارها من منخره= النفسه تبقه اعله الظلاله امعانده استشهد بحكمة علي خير الأنام =ماجُمع من مال بالدنيه وأقام إلّه عن بخلٍ جره أو عن حرام = من الله هالحكمه وعقلنه امأيّده اخذ من قرآن ربّك هالنصح =وإمشي بيه ومثله فرصه ولاتصح لاتدوّر وياي دوّر ويا ربح =هوّه الأيصدره برضا وايورّده هوّه راعي المال والعز والشيم= بختياره بالك اتحصل الندم إكرم إكرم من صفات الله الكرم =والكريم اعيون ربّه اتشاهده